DR Congo

Muungano wa mashirika ya kiraia katika eneo la Kalehe jimboni Kivu Kusini, mashariki mwa Jamhuri ya Kidemokrasia ya Congo, DRC wako katika harakati za kuhamasisha wananchi kupanda miti na kuchukua hatua nyingine zitakazosaidia kupambana na mabadiliko ya tabianchi baada ya eneo hilo kukumbwa na mafuriko yaliyosababisha vifo na uharibifu mkubwa mapema mwezi Mei Mwaka huu.

Baada ya miongo mitatu ya vita, mgogoro mkubwa nchini Jamhuri ya Kidemokrasia ya Congo DRC umezorota zaidi tangu mwanzoni mwa mwaka huu. Hususan sehemu ya Mashariki ya nchi hiyo inakabiliwa na ongezeko kubwa la machafuko na ukosefu wa usalama, na kuathiri vibaya afya ya watu. 

Maadhimisho ya pili ya siku ya lugha ya Kiswahili duniani yamewadia ni wiki ijayo tarehe 7 ya mwezi Julai ambapo wadau wote wa kiswahili duniani kuanzia kwenye shirika la Umoja wa Mataifa la elimu sayansi na utamaduni UNESCO, kwenye Mataifa wazungumzaji wa lugha hii adhimu hadi ughaibuni mambo yatakuwa bambam, lakini hapa kwenye makao makuu ya umoja wa Mataifa maandalizi yamefikia wapi? Na nini kitajiri? Idhaa ya Kiswahili ya Umoja wa Mataifa imewaalika wadau wa Kiswahili hapa kwenye makao makuu kufahamu maandalizi yanaendeleaje.

Hapa ni kambi ya wakimbizi wa ndani ya Rusayo iliyoko takribani kilometa 17 magharibi mwa mji wa Goma, jimboni Kivu kaskazini, Mashariki mwa DRC, ndivyo anavyoanza kusimulia George Musubao, Mwandishi wa Habari wa Idhaa ya Kiswahili ya Umoja wa Mataifa nchini DRC aliyesafiri kutoka Beni hadi kambini Rusayo kuzungumza na wananchi ambao wamelazimika kukimbia makazi yao na sasa maisha yao yanategemea hisani za jumuiya ya kimataifa kupitia Umoja wa Mataifa. 

Ujumbe kutoka Tanzania ukiongozwa na Brigedia Jenerali Geoge Mwita Itang’are akiwa ameambatana na ujumbe wake kutoka makao makuu ya Jeshi la Ulinzi la wananchi Tanzania (JWTZ) kwa niaba ya Mkuu wa Majeshi ya ulinzi ya Tanzania Jenerali John Jacob Mkunda umefanya ziara ya kutembelea makao makuu ya majeshi ya Mpango wa Umoja wa Mataifa nchini Jamhuri ya Kidemokrasia ya Congo  DRC ujulikanao kama MONUSCO kwenye eneo la Goma na kukutana na kamanda wa vikosi hivyo Luteni Jenerali Otavio Rodrigues De Miranda Filho.

Jumuiya ya kibinadamu ya Umoja wa Mataifa leo imetoa ombi la dharura kusaidia mamilioni ya watu nchini Jamhuri ya Kidemokrasia ya Congo (DRC) ambako ghasia za muda mrefu na watu kuyakimbia makazi yao kunaendelea kuchochea baa la njaa.

Shirika la Umoja wa Mataifa la kuhudumia Watoto UNICEF limesema imeshtushwa na shambulio dhidi ya kambi ya wakimbizi wa ndani lililofanyika jana Jumatatu  katika jimbo la Ituri, Mashariki mwa Jamhuri ya Kidemokrasia ya Congo DRC.

Shirika la Umoja wa Mataifa la Kuhudumia Wakimbizi, UNHCR, imeshitushwa na mashambulizi mapya katika mfululizo wa mashambulizi makali yanayofanywa na makundi yasiyo ya kiserikali dhidi ya watu waliofurushwa kwa nguvu katika makazi yao ndani ya Jamhuri ya Kidemokrasia ya Congo na makundi yenye silaha yasiyo ya serikali.  

Shirika la Umoja wa Mataifa linalohusika na masuala ya wakimbizi UNHCR limetoa wito wa kuwasaidia wakimbizi walioko mashariki mwa Jamhuri ya Kidemokrasia Kongo DRC ambao wapo katika hali mbaya kutokana na kuendelea kwa machafuko yanayofanywa na makundi yenye silaha hali inayofanya watu kuyakimbia makazi yao.

Wiki hii dunia imeadhimisha miaka 75 tangu kuanzishwa kwa operesheni za ulinzi wa amani za Umoja wa Mataifa mwaka 1948. Tangu mwaka huo zaidi ya wafanyakazi milioni mbili waliovalia sare kijeshi na raia wamesaidia nchi kuhama kutoka vita hadi kwenye amani. Nchini Jamhuri ya kidemokrasia ya Congo, DRC ujumbe wa Umoja wa Mataifa wa kulinda amani nchini humo, MONUSCO umekuweko tangu mwaka 2000, ikimaanisha mwaka huu ni miaka 23.