Shirika la Umoja wa Mataifa la kuhudumia watoto UNICEF huko nchini Jamhuri ya Kidemokrasia ya Congo, DRC linatumia wafanyakazi wa kijamii kuhamasisha wakazi wa vitongoji vya mji mkuu, Kinshasa kupata chanjo dhidi ya ugonjwa wa Corona, au COVID-19 kwa kuwa baadhi ya watu bado wanasuasua kupatiwa chanjo hiyo.
Nchini Jamhuri ya Kidemokrasia ya Congo, DRC, ujumbe wa Umoja wa Mataifa wa kulinda amani MONUSCO kupitia kitengo chake cha kupokonya silaha askari waliojisalimisha, kuvunja makundi na kujumuisha askari hao katika jamii, DDR umepatia shirika la kiraia liitwalo COMOA, takribani dola 50,000 ili kufunga taa 60 za sola kwenye kitongoji cha Karuba kilichoko takribani kilometa 50 kutoka mji mkuu wa jimbo la Kivu Kaskazini, Goma.
Shirika la Umoja wa Mataifa la kuhudumia watoto, UNICEF kwa ushirikiano na kituo cha kimarekani cha kudhibiti magonjwa, CDC wamesaidia ujenzi wa tenki za maji kwa ajili ya wakazi wa Kiziba mjini Goma, jimboni Kivu Kaskazini nchini Jamhuri ya Kidemokrasia ya Congo, DRC na hivyo kusaidia kuepusha maambukizi ya magonjwa yatokanayo na matumizi ya maji machafu.
Nchini Jamhuri ya kidemokrasia ya Congo DRC, serikali imetangaza kutenga ekari 500 za ardhi kwa ajili ya kilimo itakayotumiwa na wakimbizi kutoka Burundi pamoja na wenyeji, kwa lengo la kuimarisha hali ya kujitegemea na kuishi pamoja kwa amani. Kwa kiasi kikubwa wakimbizi hao wamekuwa wakitegemea msaada kutoka shirika la Umoja wa Mataifa la kuhudumia wakimbizi UNHCR na jamii za wenyeji zinazowahifadhi wakimbizi hao.
Nchini Jamhuri ya kidemokrasia ya Congo, DRC kumefanyika tukio la kuaga miili ya walinda amani wanane wa Umoja wa Mataifa waliokuwa wakihudumu kwenye ujumbe wa Umoja huo wa kulinda amani nchini humo, MONUSCO. Walipoteza maisha baada ya helikopta waliyokuwa wakisafiria kuanguka tarehe 29 mwezi uliopita wa Machi.
Nchini Jamhuri ya Kidemokrasia ya Congo, DRC kumefanyika tamasha la amani likileta pamoja wanamuziki wa ndani na nje ya taifa hilo kwa lengo la kuchagiza amani.
Nchini Jamhuri ya Kidemokrasia ya Congo, DRC, jeshi la Afrika Kusini limepeleka timu yake kwenye ujumbe wa Umoja wa Mataifa wa kulinda amani nchini humo MONUSCO,ili kuchunguza vijinasaba vya watoto na wanawake waliobakwa na walinda amani ili hatimaye kuthibitisha iwapo watuhumiwa ni walinda amani kutoka Afrika Kusini na kisha watoto hao watambue baba zao na pia kupatiwa malezi.
