Makala

Jamii ya mikunde! Wengi wanaitambua zaidi kama ni kunde zenyewe, na maharagwe lakini ni zaidi ya hiyo. Kuna choroko, mbaazi, dengu, njegere na kadha wa kadha ambapo kutokana na umuhimu wake katika lishe ya binadamu, kurutubisha udongo na pia kuhimili mabadiliko ya tabianchi, ndio maana Umoja wa Mataifa unapigia chepuo.

Mathalani nchini Tanzania, shirika la Umoja wa Mataifa la chakula na kilimo, FAO linafadhili mradi wa AgriConnect ambao pamoja na mambo mengine  unapatia wananchi, wake kwa waume stadi za mapishi sahihi ya jamii ya mikunde.

Umoja wa Mataifa unaeleza kuwa Haki ya kijamii inafanya jamii na uchumi wa jamii hizo kufanya kazi vizuri na kupunguza umaskini, ukosefu wa usawa na mivutano ya kijamii. Haki ya Kijamii ina jukumu muhimu katika kufikia njia shirikishi zaidi na endelevu za maendeleo ya kijamii na kiuchumi na ni muhimu kwa kufikia Malengo ya Maendeleo Endelevu (SDGs) ndio maana Umoja wa Mataifa unatoa wito kwa serikali, taasisi, mashirika yasiyo ya kiserikali, wadau na kila mtu kushiriki katika kuhakikisha haki za kijamii zinalindwa.

Somalia! Somalia! Somalia! Kila uchao changamoto zinazidi kukumba wananchi wake kutokana na sio tu ukosefu wa usalama katika baadhi  ya maeneo, bali pia madhara ya mabadiliko ya tabianchi. Hivyo ni vichocheo vya mamia ya maelfu ya watu kukimbia makwao na kusalia wakimbizi wa ndani.

Shirika la Umoja wa Mataifa la kuhudumia wakimbizi, UNHCR linaendelea na hatua zake za kuhakikisha wakimbizi waliorejea nyumbani wanaishi maisha ya utu na ustawi, ambapo pamoja na kuwapatia wakimbizi hao huduma bora pia linazidi kuomba wahisani waoneshe ukarimu zaidi.

Tuungane na Edouige Emuresenge wa Televisheni washirika, Mashariki TV nchini Burundi katika makala hii iliyoandaliwa na UNHCR. 

Katika Siku ya Redio Duniani mwaka huu wa 2023, UNESCO inaangazia redio huru kama nguzo ya kujenga amani na kuzuia migogoro. 

Redio inatazamwa kama chombo muhimu na sehemu muhimu ya kutunza amani. Redio hushughulikia visababishi na vichochezi vya migogoro, kabla hazijaweza kulipuka na kuwa vurugu. Inatoa mbinu mbadala ya kuzuia migogoro, au migongano ya maslahi, kuondoa kutoelewana, na kutambua masuala ya kutoaminiana. Hii inaweza kusaidia kukabiliana na chuki, hamu ya kulipiza kisasi, au nia ya kutumia silaha. 

Nchini Tanzania tayari wanafunzi wa shule za msingi wameanza kunufaika na maadhimisho ya siku ya mikunde duniani kwa kutambua kuwa Umoja wa Mataifa unasisitiza matumizi ya mimea ya jamii ya mikunde katika sio tu kuhimili mabadiliko ya tabianchi kwa kustahimili ukame, bila pia nafasi yake katika kuimarisha lishe kwa walaji.

Kuelekea siku ya mikunde duniani, nchini Tanzania harakati za shirika la Umoja wa Mataifa la chakula na kilimo duniani, FAO za kuboresha lishe ya watoto kuanzia shuleni, zimeanza kuzaa matunda hasa mkoani Njombe kusini mwa taifa hilo la Afrika Mashariki kwa kuzingatia kuwa mkoa huo ulikuwa unaongoza mwaka 2018 kwa kuwa na watoto wengi zaidi wadumavu. Hata hivyo takwimu mpya za Wizara ya Afya nchini Tanzania zimeonesha kiwango kupungua. Je ni hatua gani ambazo FAO imechukua na wanufaika wanasema nini?

Pamoja na kwamba juhudi zinaendelea duniani kote kutokomeza mila iliyopitwa na wakati ya ukeketaji, takwimu za Umoja wa Mataifa bado zinaonesha kuwa takribani watoto wa kike milioni 4.2 duniani wako hatarini kukeketwa mwaka huu wa 2023 pekee. Hata hivyo ni harakati za wadau mbalimbali kushiriki katika kutokomeza mila hii iliyopitwa na wakati ndizo zinategemewa kuhakikisha kuwa watoto hawa hawakumbani na madhila hayo.

Tarehe 4 Februari ni Siku ya Saratani Duniani, ambayo mwaka huu inalenga kuongeza uelewa na kuhamasisha hatua za kuziba pengo la huduma za kuudhibiti ugonjwa huu hatari.

Sudan Kusini ni moja ya nchi iliyoathirika kwa muda mrefu na vita vya wenyewe kwa wenyewe ambapo mara kwa mara makundi ya wapiganaji wenye silaha yalikuwa yakivamia katika vijiji na kuwaua raia na kupora mali zao. Kutokana na sababu hiyo wananchi wengi wamekuwa wakikimbilia katika kambi za kijeshi zilizoko karibu na maeneo yao ili kusaka hifadhi.