Chanda chema huvikwa pete walinena wahenga na hali ni kama hiyo kwa mlinda amani kutoka Kenya ambaye amechaguliwa kupokea tuzo ya Umoja wa Mataifa ya mwanajeshi mwanaharakati wa masuala ya kijinsia kwa mwaka 2020.
Katika chapisho la mapema mwaka huu la UNESCO kuhusu usawa wa jinsia kwenye utafiti, inaonesha kuwa ijapokuwa idadi ya wanawake kwenye utafiti wa sayansi imeongezeka, bado ni wachache katika nyanja za hesabu, sayansi ya kompyuta, uhandisi na akili bandia.
Nchini Jamhuri ya Kidemokrasia ya Congo, DRC, mapigano ya wenyewe kwa wenyewe yamekuwa mwiba siyo tu katika usalama wa taifa hilo bali pia kwa wanawake na wasichana ambao hukumbwa na ukatili wa kingono kule kwenye mapigano. Mashirika ya kiraia yamekuwa yakiunga mkono harakati za Umoja wa Mataifa za kuhakikisha manusura wa ukatili huo wanarejeshewa siyo tu utu lakini pia kujiamini na kuendelea na maisha. Miongoni mwa mashirika hayo ni taasisi ya hospitali ya Panzi inayoongozwa na mshindi wa tuzo ya amani ya Nobel Dokta Denis Mukwege.
Baadhi ya vijiji vya Halmashauri ya Wilaya Chemba mkoa wa Dodoma vimeanza kunufaika na mradi wa visima vya maji safi na salama huku vijiji vingine mchakato wa kuchimba visima ukiendelea.
Mshindi wa tuzo ya wanawake wajasiriamali iliyotolewa na Kamati ya Umoja wa Mataifa ya biashara na maendeleo, UNCTAD na pia akapigwa jeki ya mkopo nafuu wa dola milioni 10 kutoka kwa serikali ya Uganda ameeleza alivyopokea tuzo hiyo na mipango ya baadaye. Akizungumza na mwandishi wetu wa Uganda John Kibego, Dkt Julian Omalla ambaye amejipatia umaarufu kutokana na shughuli za kujikwamua pamoja na maelfu ya wanawake na vijana, amesema amepata maono makubwa zaidi baada ya kutunikiwa tuzo.
Mradi wa UN Women wa kuimarisha ulinzi wa haki za ardhi za wanawake umeleta matumaini makubwa ya kupiga jeki juhudi za serikali kupambana na vikwazo vya kimila vinavyowakera wanawake nchini Uganda.
Mwandishi wetu wa Uganda John Kibego baada ya kuzungumza na wadau kadhaa wa masuala ya jinsia na maendeleo kuhusu mradi huo unaotekelezwa na shirika la kiraia la Mid-western Anti-corruption Coalition, MIRAC, ametuandalia makala ifuatayo.
Miongoni mwa malengo 17 endelevu ya umoja wa Mataifa ni lengo namba tano la usawa wa kijinsia linalolenga kuwainua na kuwasaidia wanawake na wasichana. Pwani mwa Kenya Salma Hemed ambaye ni Naibu Mkurugenzi wa shirika la Haki Africa, amejitwika jukumu la kuhakikisha kuwa wanawake wanapata haki hasa zile zinazohusu urithi na uteuzi wa nyadhifa tofauti serikalini na pia kwa vijana ambao mara nyingi hujipata katika mgogoro na serikali. Katika mazungumzo haya na mwandishi wetu wa Kenya, Jason Nyakundi, Salma Hemed anaanza kwa kueleza alivyoingia katika harakati hizo.
Wanahabari wa kada mbalimbali nchini Tanzania, wamepatiwa mafunzo juu ya malengo namba 6, 7 na 13 ya maendeleo endelevu, kupitia shirika la Climate Network Tanzania, CAN lenye ufadhili wa mashirika ya umoja wa mataifa ikiwemo lile la mpango wa maendeleo, UNDP, ili kukabiliana na mabadiliko ya tabia nchi nchini Tanzania. Anold Kayanda amefuatilia mafunzo hayo na kuandaa makala hii ambapo , Sixbert Mwanga mkurugenzi wa shirika hilo, anaanza kwa kuzungumzia msaada wa umoja wa mataifa katika kuyafikia malengo ya maendeleo endelevu-SGDs.
Lengo namba 9 kati ya malengo 17 ya Umoja wa Mataifa ya maendeleo endelevu, SDGs linaangazia viwanda, uvumbuzi na miondombinu. Lengo linalenga ujenzi wa miundombinu thabiti, kukuza viwanda endelevu na jumuishi, na kukuza uvumbuzi.
