Mlinda amani kutoka Brazili anayehudumu katika mpango wa Umoja wa Mataifa huko Jamhuri ya Afrika ya kati MINUSCA, Ijumaa hii anakabidhiwa tuzo ya Umoja wa Mataifa ya kijeshi kwa mwaka 2019 katika utetezi wa masuala ya jinsia.
Athari za kimbuga Idai kilichoikumba Msumbiji na kwengineko kimeanika hadhari mzigo wa madeni ya siri ambayo hayajalipwa nchini Msumbuji kwa mujibu wa mtalaam wa haki za binadamu wa Umoja wa Mataifa .
Serikali ya Zanzibar imepiga hatua muhimu katika masuala ya ukombozi wa mwanamke kama ilivyo katika ya ajenda ya maendeleo endelevu ya Umoja wa Mataifa ya mwaka 2030 , kuhakikisha mwanamke huyo anapata usawa kwa kijinsia, kiuchumi na kijamii.
Wakimbizi Kakuma nchini Kenya wameshukuru na kupongeza mradi wa nishati mbadala unaoendeshwa na shirika la Umoja wa Mataifa la kuhudumia wakimbizi UNHCR Kenya, mfuko wa Bill Gates na shirika la Sanivation.
Mradi huo unaotumia kinyesi cha binadamu kutengeneza nishati mbadala umebadilisha maisha ya wakimbizi hao.
Hatua za haraka lazima zichukuliwe na jumuiya ya kimataifa kukomesha mzunguko wa machafuko ya kijamii na umwagaji damu unaoendelea nchini Mali machafuko ambayo hadi sasa yameshakatili maisha ya watu 160.
Wito huo umetolewa leo na mtaalam huru wa haki za binadamu wa Umoja wa Mataifa akiongeza kuwa mfululizo wa mashambulizi kwenye jimbo la Kati la Mopti yaliyofanyika Machi 23 yamefuatiwa na ghasia mpya Machi 26.
Dalili za wazi na athari za kiuchumi na kijamii zitokanazo na mabadiliko ya tabianchi zinazoongezeka kote duniani , zinatokea leo kwa kila nchi na hakuna aliye na kinga dhidi ya zahma hii na hakuna kisingizio cha kukwepa kuchukua hatua kwa mujibu wa Katibu Mkuu wa Umoja wa Mataifa Antonio.
Shirika la afya ulimwenguni , WHO limeamua kutoa elimu ya kujikinga na maambuzi ya Ebola kwa watoto mashuleni lengo likiwa kuelimisha kadri iwezekanavyo kuakabili ugonjwa huo.
Wanawake duniani koete ikiwemo nchini Kenya bado hawapewi nafasi kubwa ya kuwakilishwa katika masuala ya siasa na uongozi lakini kwa wachache wanaopata fursa hiyo wanafanya kazi nzuri na mchango wao kuthaminiwa amesema Joyce Laboso gavana wa kaunti ya Bomet nchini Kenya akizungumza na Idhaa ya Kiswahili ya Umoja wa Mataifa.
Kakati ya umoja wa Mataifa ya haki za kijamii, kiuchumi na kitamaduni leo imetoa maamuzi kwamba Italia imekiuka haki za binadamu baada ya sheria za nchi hiyo kumshinikiza mwanamke mmoja kupandikizwa kiini tete ambacho hakikudumu na wameitaka imlipe fidia na kubadili sheria.
Machafuko yanayoendelea nchini Mali yanakatili maisha ya watoto wengi , kuwaathiri kisaikolojia na kuweka njia panda mustakabali wao limeonya shirika la Umoja wa Mataifa la kuhudumia watoto UNICEF, likisema watoto hao ndio wanaobeba gharama kubwa ya machafuko.
