Mfanyakazi mwingine wa Umoja wa Mataifa augua Ebola Liberia

8 Oktoba 2014

Mfanyakazi mmoja wa Ujumbe wa Umoja wa Mataifa nchini Liberia, UNMIL ameripotiwa kuugua Ebola, akiwa ni mfanyakazi wa pili wa Umoja wa Mataifa kuambukizwa ugonjwa huo nchini humo.

Akizungumza na waandishi wa habari mjini New York, msemaji wa Umoja wa Mataifa Stephane Dujarric amesema kwamba mkuu wa UNMIL, Karin Landgren ametoa taarifa hiyo jumatano tarehe 8 Oktoba, akieleza kwamba UNMIL imechukua hatua zote zinazohitajika ili kuzuia maambukizi mengine.

Amesema hivi sasa watu wote ambao wamekuwa karibu na mfanyakazi huyo akiwa mgonjwa wanapimwa na kuwekwa chini ya karantini, na makazi yao yamesafishwa na dawa maalum ili kuondoa virusi vya Ebola, kulingana na taratibu za Shirika la Afya Duniani, WHO.

Mfanyakazi wa Umoja wa Mataifa aliyekuwa ameathirika na Ebola alifariki dunia tarehe 25 Septemba.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter