Habari Mpya

Walinda amani wa Umoja wa Mataifa kutokaTanzania wanaohudumu chini ya ujumbe wa Umoja wa Mataifa wa kulinda amani nchini Jamhuri ya Afrika ya Kati, CAR, MINUSCA wametoa misaada mbalimbali kwa jamii wanazolinda kama moja ya sehemu ya kuimarisha utangamano na maelewano kati yao na jamii wanayoilinda. Tupate taarifa zaidi kutoka kwa Kapten Mwijage Inyoma. 

Mkutano wa 77 wa Baraza Kuu la Umoja wa Mataifa umekunja jamvi asubuhi ya tarehe 5 Septemba 2023, jijini New York, Marekani kwa Rais wa mkutano huo anayemaliza muda wake Csaba Kőrösi akisisitiza kuwa licha ya mikingamo ya kijiografia, ushirikiano baina ya nchi haukwepeki.

Leo ni siku ya kimataifa ya hisani au kuwaonea huruma wagonjwa na maskini, siku iliyopitishwa na Baraza Kuu la Umoja wa Mataifa kutambua mchango wa Hayati Mama Teresa wa Calcuta nchini India ambaye pia ni mshindi wa Tuzo ya amani ya Nobel. Hayati Mama Teresa alianzisha shirika la watawa wa huruma likiendesha makazi ya kuhudumia maskini na wagonjwa.  

Katika maadhimisho ya siku ya kimataifa ya hisani au fadhila tunamulika vituo au watu wanaojitolea kusaidia maskini na wagonjwa ikiwa ni katika kutambua siku hii iliyopitishwa na Baraza Kuu la Umoja wa Mataifa kutambua mchango wa Hayati Mama Teresa wa Calcuta nchini India ambaye pia ni mshindi wa Tuzo ya amani ya Nobel. Hayati Mama Teresa alianzisha shirika la watawa wa huruma likiendesha makazi ya kuhudumia maskini na wagonjwa. 

Ulimwengu leo unaadhimisha siku ya kimataifa ya hisani duniani inayobebwa na kaulimbiu ya mshikamano katika kutokomeza umaskini.

Shirika la Umoja wa Mataifa la Mpango wa Chakula Duniani (WFP) linalazimika kuwaondoa kwenye msaada wa chakula watu wengine milioni 2 wanaokabiliwa na njaa nchini Afghanistan mwezi Septemba, na kufikisha idadi ya watu milioni 10 waliokatishiwa msaada mwaka huu nchini humo kutokana na upungufu mkubwa wa fedha. 

Kamati ya Umoja wa Mataifa ya Kutokomeza Ubaguzi dhidi ya Wanawake (CEDAW) imekaribisha uamuzi wa kusimamishwa kazi kwa mkuu wa soka wa Uhispania Luis Rubiales, hatua iliyochukuliwa na FIFA baada ya kumbusu kwa lazima nahodha wa soka wa Uhispania Jennifer Hermosa wakati wa hafla ya utoaji wa tuzo ya Kombe la Dunia la Wanawake mwaka 2023 (WWC23). 

Watu wenye asili ya Afrika wanaendelea kukabiliwa na changamoto kubwa za ushiriki wa maana katika masuala ya umma katika nchi nyingi kutokana na ubaguzi wa kimfumo, kutengwa na mara nyingi kunakotokana na urithi wa utumwa na ukoloni, kulingana na ripoti iliyotolewa leo na Ofisi ya Haki za Binadamu ya Umoja wa Mataifa mjini Geneva, Uswisi. 

Mkutano wa Afrika kuhusu tabianchi ukiingia siku ya pili hii leo huko Nairobi, Kenya, Katibu Mkuu wa Umoja wa Mataifa Antonio Guterres amesema nishati jadidifu inaweza kuwa muujiza wa bara la Afrika na kwamba hatua sahihi zikichukuliwa, bara hilo linaweza kuwa kiongozi wa uzalishaji wa nishati hiyo duniani.

Joto linaongezeka kwa kasi barani Afrika katika miongo ya hivi karibuni na hatari zinazohusiana na mabadiliko ya tabianchi zinazidi kuwa mbaya imesema ripoti kuhusu mabadiliko ya tabianchi iliyozinduliwa leo na Shirika la Umoja wa Mataifa la hali ya hewa WMO.