Shirika la Umoja wa Mataifa la mpango wa chakula duniani WFP limesema linaendelea na juhudi za kuhakikisha kila aliyeathirika na tetemeko la ardhi nchini Syria na Uturuki anapata msaada wa chakula unahojitajika.
Kifafa ni ugonjwa sugu wa ubongo unaohusisha mtu kupata mshituko katika ubongo na kusababisha degedege au kuanguka kifafa hali ambayo hutofautina ukubwa kulingana na ukubwa wa mshituko.
Takriban viongozi wanawake 400 kutoka maeneo mbalimbali ya nchi ya Sudan Kusini pamoja na nchi mbalimbali barani Afrika wanashiriki katika Kongamano la kwanza la Kimataifa la wanawake waleta mabadiliko katika uongozi.
Katika Siku ya Redio Duniani mwaka huu wa 2023, shirika la Umoja wa Mataifa la Elimu, Sayansi na Utamaduni (UNESCO) linaangazia redio huru kama nguzo ya kujenga amani na kuzuia migogoro.
Umoja wa Mataifa umesema mwelekeo wa matukio ya ukatili kupita kiasi dhidi ya watoto kwenye maeneo yenye mizozo kwa mwaka uliopita wa 2022 utaendelea kuwa sawa na mwaka 2021 ambapo zaidi ya matukio 24,000 ya ukatili dhidi ya watoto yalithibitishwa kutekelezwa.
Shirika la Umoja wa Mataifa la Elimu, Sayansi na Utamaduni, UNESCO limetumia maadhimisho ya leo ya siku ya redio duniani, kutoa wito kwa kila mtu, kuanzia msikilizaji, watangazaji na wazalishaji wa vipindi vyenye picha na sauti kusherehekea sio tu faida za redio bali pia kuitumia zaidi kama chombo pekee cha kusongesha amani.
Hii leo ni siku ya redio duniani ambapo Umoja wa Mataifa unamulika nafasi ya chombo hicho kilichobuniwa takribani karne moja iliyopita katika kukuza na kujenga amani wakati huu ambapo pia ni miaka 75 tangu kuanzishwa kwa operesheni za ulinzi wa amani za Umoja wa Mataifa.
Nchini Burundi wakimbizi waliokimbia ghasia, wanaendelea kurejea nyumbani kutokana na hali ya amani kuzidi kuimarika, na hivi karibuni zaidi wakimbizi wamerejea kutoka Jamhuri ya kidemokrasia ya Congo, DRC wakiwa na matumaini kutokana na kile wanachoshuhudia.
Katika ziara yake nchini Syria, mkurugenzi mkuu wa Shirika la afya la Umoja wa Mataifa duniani WHO leo Jumapili amezindua ombi la kibinadamu la kukusanya dola milioni 43 kusaidia juhudi za kukabiliana na athari Syria na Uturuki baada ya matetemeko makubwa ya ardhi yaliyozikumba nchi hizo mbili wiki moja iliyopita na kusababisha vifo, watu kutawanywa na kujeruhi makumi ya maelfu ya watu.
Baada ya kuwasili Damascus, mjumbe maalumu wa Umoja wa Mataifa kwa ajili ya Syria, Geir Pedersen, ametoa tena salamu zake za rambirambi kwa watu wa Syria kwa hasara kubwa iliyotokana na tetemeko la ardhi na kusisitiza kwamba Umoja wa Mataifa unafanya kila linalowezekana ili kutoa msaada unaohitajika kwa watu hao walioathirika.
