Shirika la UM Linalosimamia Huduma za Ulinzi wa Amani katika Jamhuri ya Kidemokrasi ya Kongo (MONUC) limeripoti kwamba limefanikiwa kukamilisha mafunzo maalumu kwa maofisa wa polisi, juu ya taratibu za kisheria za kutumiwa nao katika kudhibiti makosa ya jinai ya kijinsiya yanaambatana na fujo na matumizi ya nguvu na mabavu dhidi ya wanawake.
Mapema Ijumatano asubuhi ya tarehe 19 Agosti 2008 walikusanyika Makao Makuu ya UM aila ya UM - ikijumuisha KM BAN Ki-moon - kwenye taadhima maalumu za kumbukumbu ya mwaka wa tano tangu ofisi za UM ziliporipuliwa kwa bomu liliopakiwa lori iliogeshwa karibu na majengo ya Hoteli ya Kanali, yalipokuwa ofisi za UM mjini Baghdad. Shambulio lilitukia tareheb 19 Agosti 2003.
Christian Balslev-Olesen, Mwakilishi kwa Usomali wa Shirika la UM juu ya Mfuko wa Maendeleo kwa Watoto (UNICEF), amenakiliwa akisema tatizo la utapiamlo Usomali ni suala lenye utata mkubwa kuhudumiwa na mashirika ya kimataifa.
Ripoti iliodhaminiwa na Ofisi ya UM juu ya Misaada ya Dharura (OCHA) pamoja na shirika lisio la kiserikali linalohudumia misaada ya kiutu la CARE imewasilisha orodha mpya ya maeneo ya kimataifa ambayo yanabashiriwa yatakabiliwa na hatari ya vurugu la kimazingira katika miongo ijayo, mathalan, ukame mbaya, mafuriko yasio kikomo na pia vimbunga vikali.
Shirika la Afya Duniani (WHO) na Shirika la UM juu ya Hifadhi ya Mazingira (UNEP), kwa ushirikiano na Serikali ya Gabon wametayarisha, kwa mara ya kwanza Mkutano wa Mawaziri juu ya Fungamano za Afya na Mazingira katika Afrika utakaofanyika wiki ijayo kwenye mji mkuu wa Libreville, Gabon kuanzia tarehe 26 hadi 29 Agosti (2008).
Tarehe 23 Agosti inaadhimishwa na UM kuwa ni Siku ya Kimataifa juu ya Kumbukumbu za Ukomeshaji wa Biashara ya Utumwa Duniani. ~~~
Antonio Guterres, Kamishna Mkuu wa Shirika la UM ju ya Huduma za Wahamiaji (UNHCR) Ijumaa alizuru Ossetia Kusini kusailia mahitaji ya umma uliodhurika na mzozo uliofumka huko mnamo 07 Agosti 2008. Guterres ni ofisa mkuu wa kwanza wa UM kuzuru eneo hili tangu machafuko kuzuka. Alisema UNHCR itaendelea kupeleka misaada ya kiutu kwenye eneo kuhudumia mahittaji ya umma mwaathiriwa, na bila ya kufungamana misaada na itikadi za kisiasa. Alisisitiza misaada ya kiutu haitolewi kwa kubagua, bali hufadhiliwa kila mtu muhitaji anayeathiriwa na maafa kwa kulingana na dharura iliopo kwenye maeneo yao. Vile vile Guterres alitilia mkazo kwamba wahamiaji wote waliong’olewa makaazi kwa sababu ya mapigano wana haki, kwa sheria ya kimataifa, kurejea makwao pale wanapohisi hali inawaruhusu. Kamishna Mkuu Guterres Ijumaa alikamilisha ziara ya siku nne kieneo kufanya tathmini, ya binafsi, kuhusu hali, kwa ujumla, katika Georgia na Shirikisho la Urusi ambapo uhasama ulishtadi katika siku za nyuma. ~
Shirika la UM juu ya Ulinzi wa Amani Liberia (UNMIL) limewasilisha ripoti mpya kuhusu masuala ya udhalilishaji wa kijinsia nchini, yanayoambatana na watumishi wa UM. Kwa mujibu wa ripoti, idadi ya shutuma za makosa hayo dhidi ya wafanyakazi wa UNMIL imeteremka katika 2008.
Wawakilishi 1,600 kutoka nchi wanachama 160 wamekusanyika hivi sasa kwenye mji wa Accra, Ghana kuhudhuria kikao cha wiki moja (21-27 Agosti 2008)kujadilia nidhamu za kuchukuliwa kipamoja kudhibiti bora tatizo la hewa chafu inayomwagwa angani, tatizo ambalo limethibitika kuwa ndio lenye kuharibu mazingira na kutifua mabadiliko ya kigeugeu ya hali ya hewa kimataifa. Mkutano umeandaliwa na Taasisi ya UM juu ya Mfumo wa Mkataba wa Kudhibiti Mabadiliko ya Hali ya Hewa Duniani (UNFCCC).
Shirika la Afya Duniani (WHO) limetoa ripoti mpya leo kuhusu maendeleo kwenye juhudi za kimataifa za kudhibiti homa ya manjano, au kwa lugha ya kisasa, homa ya Hepatatis B.
