Kuongezeka kwa mapigano katika jimbo la Al Jazirah nchini Sudan kumeripotiwa kuwalazimisha watoto wasiopungua 150,000 kutoka makwao katika muda wa chini ya wiki moja, limeonya leo shirika la Umoja wa Mataifa la kuhudumia watoto UNICEF.
Mashirika ya kibinadamu yamezindua mpango wa dola bilioni 1.8 kusaidia watu milioni sita nchini Sudan Kusini mwaka ujao, umesema leo Umoja wa Mataifa
Katika kukuza utangamano ndani ya jamii yenye makabila tofauti ambayo hapo awali yalikuwa na misuguano Ujumbe wa Umoja wa Mataifa nchini Sudan Kusini UNMISS kwakushirikiana na wizara ya Utamaduni ya Sudan Kusini imefanya huko katika jimbo la Equatoria Magharibi.
Ujumbe wa Umoja wa Mataifa nchini Sudan Kusini UNMISS kwa kushirikiana na Kurugenzi ya kulinda watoto ya jeshi la wananchi wa Sudan Kusini SSPDF wametoa mafunzo kwa maafisa haki wa jeshi ili waweze kusimamia ulinzi na haki za watoto wa nchi hiyo wakati wa amani na hata wakati wa mizozo.
Mashirika ya kibindamu ya Umoja wa Mataifa nchini Sudan Kusini leo yameonya kuhusu ongezeko kubwa la watu wanaorejea na wakimbizi wanaokimbia mzozo na kuelekea kaskazini nchini Sudan.
Akizungumza na waandishi wa habari mjini Geneva Uswisi mkurugenzi wa mawasiliano ya nje wa UNHCR Dominique Hyde amesema "Sasa, mapigano yanaongezeka katika kiwango na ukatili wa hali ya juu unaoathiri watu wa Sudan, na ulimwengu uko kimya kwa kashfa hii, ingawa ukiukwaji wa sheria za kimataifa za kibinadamu unaendelea bila kuadhibiwa. Ni aibu kwamba ukatili uliofanywa miaka 20 iliyopita huko Darfur unaweza kutokea tena leo kukiwa na umakini mdogo. Kwa sababu hiyo, karibu watu milioni 6 wamelazimika kukimbia makwao na zaidi ya milioni 1 wamekimbilia nchi jirani ambako pia hali ni tete.
Shirika la Umoja wa Mataifa la Mpango wa Chakula la duniani WFP limeonya hii leo kwamba Watoto katika maeneo yaliyoathiriwa na mafuriko nchini Sudan Kusini wanatarajiwa kukabiliwa na viwango vya juu vya utapiamlo katika nusu ya kwanza ya mwaka 2024 huku janga la mabadiliko tabianchi likizidi kushika kasi katika taifa hilo la Afrika ya Mashariki.
Mwakilishi Maalum wa Katibu Mkuu wa Umoja wa Mataifa ambaye pia ni Mkuu wa Ujumbe wa Umoja wa Mataifa nchini Sudan Kusini (UNMISS), Nicholas Haysom ametahadharisha kwamba muda unazidi kuyoyoma kuelekea Sudan Kusini kufanya uchaguzi mkuu unaotarajiwa mwezi Desemba mwaka ujao wa 2024 lakini bado masuala muhimu ya kuufanya uchaguzi huo uende kama ulivyopangwa bila kuchelewa hayajakamilika.
Mkuu wa Mpango wa umoja wa Mataifa wa kulinda amani nchini Sudan Kusini UNMISS ambaye pia ni mwakilishi wa Katibu Mkuu wa Umoja wa Mataifa nchini humo Nicholas Haysom amefanya ziara maalum ya kutembelea visiwa vilivyopo katika kaunti ya Terekeka na kujionea utekelezaji wa miradi ya stadi za maisha inayoendeshwa na shirika la Umoja wa Mataifa la Chakula na Kilimo FAO.
Katibu Mkuu wa umoja huo Antonio Guterres amemtangaza Kapteni Cecilia Erzuah kutoka Ghana kuwa mshindi wa tuzo ya kila mwaka ya Mchechemuzi wa Masuala ya jinsia kwenye operesheni za ulinzi wa amani za Umoja wa Mataifa.
