Ukame ambao unatokana na mabadiliko ya tabianchi sasa ni dhahiri na athari kama vile ukosefu wa chakula, umeanza kuathiri nchi hususani barani Afrika.
Nchini Tanzania, mkoani Kagera, moja ya mikoa yenye historia ya kuwa na chakula kingi kutokana na ardhi yenye rutuba sasa imeanza kuathirika. Ungana na Tumaini Anatory wa redio washirika Karagwe Fm ya mkoani humo katika makala ifuayato.
Jumuiya ya Afrika Mashariki EAC ni lazima itegemee ushirikiano baina ya nchi wanachama wake wala si mashindano, wamesema washiriki wa mjadala wa kisiasa uliofanyika wiki hii mjini Kigali nchini Rwanda kuhusu ukhirikiano wa kikanda.
Kwa mujibu wa Kaimu mkuu wa ofisi ya Afrika Mashariki ya Kamisheni ya uchumi ya Umoja wa Mataifa kuhusu Afrika, ECA, Andrew Mold, chumi zote za nchi za Afrika Mashariki zimenufaika na muungano wa kibiashara wa EAC, hasa Tanzania, ambapo takwimu zinaonyesha kwamba biashara yake ndani ya EAC imeongezeka mara tatu tangu mwaka 2011.
Ulimwengu huadhimisha tarehe 15 Oktoba siku ya kimataifa ya Mwanamke wa kijijini. mwaka huu , siku hiyo imeangazia nafasi ya malengo ya maendeleo endelevu katika kuwawezesha wanawake wa mashinani na kuwajumuisha katika kuongeza maradufu uzalishaji wa kilimo na kipato cha wazalishaji wadogo wadogo.
Huko Burundi, wanawake wa Vijijini wamekuwa wanachangamkia kilimo kwa kujumuika kwenye mashirika, hivyo kuongeza uzalishaji wa mazao.
Hebu fikiria baada ya kukimbia vita na kuwa mkimbizi wa ndani sasa walazimika kufungasha virago tena. Hali hiyo imewasibu aelfu ya wakimbizi wa ndani na wakazi wa mji wa Gaalikacyo katikati mwa Somalia wanaolazimika kunusuru maisha yao kufuatia machafuko yaliyozuka hivi karibuni.
Kwa mujibu wa shirika la kuratibu masuala ya kibinadamu OCHA watu kutoka jimbo la Galmadug na Puntland walizua tafrani mapema mwezi huu, hadi sasa watu takribani 20 wamepoteza maisha na maelfu kuzihama nyumba zao.
Umoja wa Mataifa unapigia chepuo vijana kusongesha malengo ya maendeleo endelevu, SDGs. Vijana walio katika ngazi mbalimbali za elimu wanachagizwa kutumia stadi walizo nazo ili kubadili maisha yao na kuondoa utegemezi wa kusubiri kuajiriwa. Miongoni mwao ni Jane Michael, mhitimu wa Chuo Kikuu nchini Tanzania ambaye sasa yuko kwenye kikundi cha vijana wahitimu wa vyuo vya elimu ya juu mkoani Dodoma, TYIC.
Umasikini, umasikini!
Nini hasa maana yake na athari zake katika maendeleo endelevu? Juma hili tarehe 17 Oktoba ilikuwa siku ya kimataifa ya kutokomeza umasikini.
Maudhui ya mwaka huu yanalenga kuutizama umasikini kama sio tu kukosa kipato au chakula, ardhi na samani nyinginezo bali pia mambo mengine yachangiayo umasikini.
Ndoa za utotoni, ni tatizo sugu katika maeneo mbali mbali duniani na huletwa na mila na desturi potofu. Ndoa hizi huwaathiri watoto kimwili, kisaikolojia na hata kimaendeleo, kwani wengi wao hushindwa kumaliza masomo na kuanza shughuli za kutunza familia. Nchini Malawi, harakati za kuharamisha ndoa hizo zinaendelea zikiambatana na kuwan'goa madarakani viongozi wa vijiji wasiozingatia amri. Je ni nani alie mstari wa mbele katika harakati hizi..basi ungana na Brian Lehander kufahamu zaidi katika makala hii
(MAKALA NA BRIAN LEHANDER)
Kawaida maisha ya ukimbizini yanakuwa ni ya dhiki na taabu za kila aina. Lakini inaweza kutokea mkimbizi akafaidika kwenye maisha hayo ya kuomba hifadhi kwa njia moja ama nyingine. Hali ndivyo ilivyo kwa wakimbizi wa Jamhuri ya Kidemokrasia ya Congo walioko katika kambi ya Bwagiriza eneo la Ruyigi mashariki mwa Burundi. Licha ya masahibu ya maisha wanayokumbana nayo, baadhi ya wakimbizi watu wazima ambao awali hawakupata fursa ya
Tarehe 17 Oktoba kila mwaka ni siku ya kuondoa umaskini duniani, moja ya malengo ya maendeleo endelevu. Umaskini unakwamisha kufanikishwa kwa malengo hayo na ndio maana Umoja wa Mataifa unataka hatua hizo zipatiwe kipaumbele. Nchini Tanzania harakati za kujikwamua kutoka lindi la umaskini nazo zinashika kasi kuanzia ngazi ya kaya hadi kitaifa, huku watu wakiwa na tafsiri tofauti ya neno umaskini.
Mtoto wa kike! Ni lulu ambayo kila inapotaka kung’ara hukumbwa na utando wa kuikwamisha. Harakati za kuzuia kung’ara kwa kundi hilo kumesababisha watoto zaidi ya milioni 62 kote ulimwenguni kutokwenda shule. Sababu kama vile mila na desturi potofu, vita na hata ukata zinatajwa. Umoja wa Mataifa kwa kuzingatia hilo, miaka mitano iliyopita ilitenga tarehe 11 mwezi Oktoba ya kila mwaka kuwa siku ya mtoto duniani. Katika maadhimisho ya mwaka huu, ngonjera zilishika kasi kuonyesha madhila na ndoto za mtoto wa kike, shuhuda wetu ni Brian Lehandar.
