UNRWA yazindua wiki za michezo kwa watoto wakimbizi Gaza

25 Julai 2016

Shirika la Umoja wa Mataifa linalowasaidia wakimbizi wa Kipalestina, UNRWA, limezindua wiki za michezo na sanaa kwa watoto wakimbizi huko Gaza, kwa lengo la kutoa nafasi na mahali salama kwa watoto wakimbizi kufurahia maisha.

Kwa kipindi cha wiki tatu, watoto wakimbizi zaidi ya 165,000 waliosajiliwa watashiriki katika michezo hiyo katika maeneo 120 katika Ukanda wa Gaza, ikihusisha shule 108 na vituo vya mahitaji maalum.

Katika juhudi za kuendeleza maadili ya kijamii ya uongozi, heshima na ushirikiano, watoto watapata fursa ya kucheza kandanda, kutengeneza bidhaa za sanaa ya mikono na uchoraji.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter