Kobler alaani vikali utekaji wa mbunge Libya, ataka aachiliwe mara moja

28 Januari 2016

Mwakilishi wa Katibu Mkuu na Mkuu wa Ujumbe wa Umoja wa Mataifa nchini Libya, UNSMIL, Martin Kobler, amelaani vikali utekaji wa mbunge Mohamed al-Ra’id, na kutaka mbunge huyo aachiwe huru mara moja bila masharti yoyote.

Bwana al-Ra’id alitekwa nyara hapo jana akiwa njiani kuelekea uwanja wa ndege, baada ya kushiriki kikao cha wawakilishi wa bunge huko Tobruk.

Kobler ameeleza kukerwa na kitendo hicho, na kutoa wito kwa wote wenye ushawishi wafanye kila wawezalo ili kuhakikisha mbunge huyo anaachiliwa.

Ameongeza kuwa mbunge huyo asiadhibiwe kwa uamuzi wake jasiri wa kuendelea kujali maslahi ya nchi na kuweka maisha yake hatarini kwa kujiunga na bunge, kulingana na makubaliano ya kisiasa ya Libya.

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter