Vijana duniani wajadili maendeleo Tanzania

30 Julai 2015

Mkutano wa dunia wa vijana kuhusu maendeleo ya kundi hilo unafanyika mjini Dar es salaam nchini Tanzania kuanzia hii leo ambapo vijana washiriki kutoka mataifa mbalimbali watafundishwa kwa mifano halisi namna ya kutumia fursa.

Katika mahojiano na idhaa hii mwenyekiti wa taasisi ya kimataifa ya ushirika wa vijana IYF Tanzania,  Emmanuel Ngoga amesema mkutano huo wa siku nne utawaleta pamoja  zaidi ya vijana 3000, kubadilishana uzoefu na kupeana mawazo na akafafanua dhima ya kambi.

(SAUTI EMMAUEL)

Kambi hii inafanyika ikiwa ni juma moja baada ya Umoja wa Mataifa kuadhimisha kwa mara ya kwanza kwanza  siku ya kimataifa ya ujuzi kwa vijana ambapo Katibu Mkuu Ban Kin- moon amesema elimu zaidi kwa vijana inahitajika kwani vijana milioni 75 hawako shuleni na hivyo wanakosa ujuzi.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud