Mkutano wa 68 wa Kamisheni ya hali ya wanawake duniani, CSW68 umekunja jamvi hii leo kwenye makao makuu ya Umoja wa Mataia jijini New York, Marekani na miongoni mwa washiriki ni Matika Maiseli, Meneja wa Rasilimali Watu na Utawala kutoka Mamlaka ya Afya na Mimea na Viuatilifu, TPHPA iliyo chini ya Wizara ya Kilimo nchini Tanzania.
Leo ni siku ya maji duniani chini ya kauli mbiu Maji kwa amani ambapo Katibu Mkuu wa Umoja wa Mataifa Antonio Guterres katika ujumbe wake kwa siku hii amehimiza nchi kuhakikisha zinashirikiana na kuwa na makubaliano ya kutumia vyanzo vya maji.
Hii leo katika kuadhimisha siku ya kimataifa ya kuhamasisha kuhusu ugonjwa unaothiri uwezo wa mtu kujifunza au Down syndrome tutamsikia Ceodou Mandingo almaarufu Babuu wa Kitaa wa nchini Tanzania ambaye ni mzazi mwenye mtoto aliye na changamoto hiyo na ameikubali hali ya mwanaye na anajitahidi kuelimisha umma kuhusu ugonjwa huo. Kumbuka kuwa mwezi Desemba mwaka 2011, Baraza Kuu la Umoja wa Mataifa kupitia azimio namba (A/RES/66/149) lilitangaza Machi 21 kuwa Siku ya Kimataifa ya Down Syndrome. Maadhimisho ya kwanza yalianza mwaka uliofuata.
Mivutano inaendelea ndani ya mikutano ya Umoja wa Mataifa ya kuweka miongozo ya usalama na matumizi ya teknolojia lakini hatimaye tutafikia muafaka ili tuwe na usimamizi mzuri wa usalama wa mtandao, amesema Peter Mmbando Mkurugenzi Mtendaji na Muasisi Digital Agenda For Tanzania Initiative.
Katibu Mkuu wa Umoja wa Mataifa Antonio Guterres amesema ubaguzi wa rangi ni jinamizi linaloathiri nchi na jamii kote duniani chimbuko lake likitokana na sera za ukoloni na utumwa.
Katibu Mkuu wa Umoja wa Mataifa António Guterres kwa mara nyingine tena ameunga mkono mwito wake wa kusitishwa kwa mapigano huko Gaza na wa amani huko nchini Ukraine hii leo, akilenga kutokomeza mtazamo wa kidunia na nchi au kundi lolote lenye silaha ambalo linadhani "linaweza kufanya chochote linachotaka kwa sababu hakuna uwajibikaji”.
Ubia mkubwa mashirika mawili ya Umoja wa Mataifa lile la idadi ya watu na afya ya uzazi UNFPA na la kufanikisha upatikanaji wa dawa na tiba kwa gharama nafuu Unitaid unaofadhiliwa kwa Euro milioni 20 kutoka Muungano wa Ulaya (EU) kwa ushirikiano na mamlaka za afya barani Afrika, unalenga kuimarisha mifumo ya afya barani Afrika na kuharakisha upatikanaji wa dawa za kuokoa maisha katika harakati kubwa ya kukomesha vifo vinavyotokana na uzazi vinavyoweza kuzuilika.
Wakati kukiwa na kuzorota kwa kasi kwa usalama, haki za binadamu na hali ya kibinadamu nchini Haiti, shirika la Umoja wa Mataifa la kuhudumia wakimbizi UNHCR, leo limetoa mwongozo mpya wa kisheria kuhakikisha kuwa ulinzi wa kimataifa wa wakimbizi unatolewa kwa Wahaiti wanaouhitaji.
Wahudumu wa kibinadamu wa Umoja wa Mataifa leo wamesema chini ya nusu ya misafara ya misaada ya Umoja wa Mataifa iliyopangwa kuelekea kaskazini mwa Gaza eneo lililokumbwa na njaa ndiyo iliyofanikiwa kufikia sasa kwa mwezi huu, licha ya wito wa mara kwa mara kutoka kwa jumuiya ya kimataifa kuongeza misaada kwa zaidi ya watu milioni moja wanaokabiliwa na njaa.
Wahudumu wa afya Gaza wanafanya kazi mchana kutwa na usiku kucha wakihaha kuokoa Maisha ya wagonjwa na majeruhi katika hospitali chache zilizosalia zikifanyakazi, bila kutia chochote tumboni kwa mujibu wa shirika la afya la Umoja wa Mataifa WHO.
