Shirika la Umoja wa Mataifa la mitaji ya maendeleo (UNCDF) linatekeleza Programu ya CookFund ya miaka mitatu (2021-2024) inafadhiliwa na Muungano wa Ulaya (EU) chini ya Mbinu Jumuishi ya Mpango wa Suluhu Endelevu ya Kupika.
Shirika la Umoja wa Mataifa linalohusika na masuala ya kibinadamu pamoja na kuratibu masuala ya dharura OCHA hii leo limetoa taarifa ya maendeleo ya utoaji wa misaada ya kibinadamu nchini Sudan ambapo wameeleza zaidi ya lori 40 zilizobeba tani 1,600 za chakula zimefikishwa katika majimbo matatu nchini Sudan.
Shirika la Umoja wa Mataifa la Afya ulimwengu WHO kanda ya Afrika limeipongeza nchi ya Mauritius kwa kutambuliwa leo huko Geneva Uswis kwa juhudi zake za kupambana na athari za tumbaku kwa umma.
Wiki imeanza na kuendelea kwa mashambulizi katika miji mikubwa ya Ukraine na kuathiri kwa mara nyingine tena raia na miundombinu ya kiraia, amesema leo Denise Brown, Mratibu wa masuala ya kibinadamu wa Umoja wa Mataifa nchini Ukraine.
Miaka 15 baada ya Shirika la Umoja wa Mataifa la afya duniani, WHO kuanzisha sera ya kulinda umma kutoathirika na uvutaji wa sigara unaofanywa na mtu mwingine, zaidi ya watu bilioni 5.6 wamenufaika na sera hiyo ulimwenguni kote, imesema ripoti mpya ya shirika hilo iliyotolewa leo.
Elimu ni moja ya nyenzo zenye nguvu zaidi za kuleta mabadiliko kwa watu binafsi na jamii na ndio maana katika miongo miwili iliyopita, serikali ya Kenya imefanya mageuzi mengi ili elimu ya msingi iwe bure na ya lazima kwa watoto wote walio katika umri wa kwenda shule.
Hata hivyo, watoto wengi bado hawako shuleni kutokana na umaskini, miundombinu duni, kutelekezwa na wazazi na matatizo ya kiafya hasa katika maeneo masikini. Sasa shirika la Umoja wa Mataifa la kuhudumia watoto UNICEF limeamua kuingilia kati kwa kushirikiana na wadau kusaidia.
Usafirishaji haramu wa binadamu ni ukiukwaji mkubwa wa haki za kimsingi za binadamu na uhuru. Inawinda watu wasio na ulinzi na hustawi wakati wa migogoro na ukosefu wa utulivu. Hayo yamesemwa na Katibu Mkuu wa Umoja wa Mataifa António Guterres katika ujumbe wake kuhusu Siku ya Kimataifa dhidi ya Usafirishaji Haramu wa Binadamu ambayo huadhimishwa kila tarehe 30 Julai.
Katika taarifa kwa vyombo vya habari iliyochapishwa Ijumaa, wajumbe wa Baraza la Usalama la Umoja wa Mataifa wametoa wito wa kuachiliwa mara moja na bila masharti Rais aliyechaguliwa kidemokrasia wa Niger Mohammed Bazoum na kusisitiza haja ya kumlinda yeye, familia yake na watu wa serikali yake.
Umoja wa Mataifa umethibitisha kwamba unaendelea na programu zake za usaidizi wa kibinadamu na maendeleo na amani nchini Niger licha ya mabadiliko ya serikali kinyume na katiba, japo umelazimika kusitisha safari za ndege za misaada ya kibinadamu kwa sababu anga imefungwa.
Shirka la Umoja wa Mataifa la kuhudumia wakimbizi UNHCR limeipongeza serikali ya kenya kwa kutoa uraia kwa wanajamii wa Pemba ikiwa ni hatua madhubuti ya dhamira ya nchi ya kusaidia kuondoa tatizo la baadhi ya watu kukosa utaifa nchini humo na kuboresha maisha ya maelfu ya watu.
