Habari Mpya

Takriban asilimia 60 ya nchi za kipato cha chini barani Afrika hivi sasa ziko kwenye mzigo wa madeni, shinikizo kubwa au katika hatari ya kuingia kwenye madeni huku mamilioni ya Waafrika wakitumbukia tena kwenye umasikini wakati huu wakiwa kwenye hatari kubwa ya kutokuwa na uhakika wa chakula, imeonya ripoti mpya ya biashara na maendeleo kwa mwaka 2022 iliyotolewa leo na kamati ya Umoja wa Mataifa ya biashara na maendeleo UNCTAD.  

Ikiwa leo ni siku ya kimataifa ya makazi duniani, ujumbe ukiwa Zingatia pengo lililoko, usimwache  nyuma mtu yeyote au eneo lolote, Katibu Mkuu wa Umoja wa Mataifa Antonio Guterres anasema ukuaji wa miji lazima uende sambamba na uwekezaji siyo tu wa kuhakikisha kila mtu ana uwezo wa kupata nyumba ya  kuishi bali pia huduma muhimu kama vile za kujisafi, jambo ambalo huko nchini Ghana miradi inayowezeshwa na Benki ya Dunia imesaidia kaya ambazo zamani zilisubiri choo cha umma kisicho kisafi kujisaidia sasa zina huduma hiyo majumbani.

Wanawake na wasichana katika majimbo ya Trigray, Afar na AMhar nchini Ethiopia wanazidi kuwa hatarini kutekwa na kusafirishwa kiharamu ili kutumikishwa kingono wakati wakikimbia machafuko kwenye mzozo unaoendelea kaskazini mwa nchi hiyo, wamesema wataalamu wa Umoja wa Mataifa kupitia taarifa yao waliyoitoa leo huko Geneva, Uswisi.

Hii leo ikiwa ni siku ya kimataifa ya makazi duniani, Umoja wa Mataifa unataka hatua zichukuliwe kuhakikisha ukuaji wa miji unakuwa jumuishi bila kumwacha nyuma mtu  yeyote.

Kila mwaka ifikapo Oktoba 2, dunia huadhimisha siku ya kimataifa ya kupinga machafuko.  Siku hii pia ni ya kuzaliwa Mahatma Gandhi, kiongozi wa vuguvugu la uhuru nchini India na mwanzilishi wa falsafa na mkakati wa kutokuwa na vurugu.

Katibu Mkuu wa Umoja wa Mataifa Antonio Guterres amesikitishwa na tukio la kusikitisha lililotokea  tarehe 1 Oktoba katika uwanja wa mpira wa miguu huko Malang, nchini Indonesia, ambapo zaidi ya watu 120 waliripotiwa kuuawa.

Katibu Mkuu wa Umoja wa Mataifa Antonio Guterres ameeleza wasiwasi wake mkubwa kuhusu matukio yanayoendelea nchini Burkina Faso.

Katibu Mkuu wa Umoja wa Mataifa Antonio Guterres amelaani shambulio lililotokea hapo jana tarehe 30 Septemba 2022 nchini Jamhuri ya Kidemokrasia Kongo DRC katika kambi ya COB iliyopo chini ya ujumbe wa Umoja wa Mataifa wa kulinda amani nchini humo, MONUSCO na kusababisha kifo cha mlinda amani mmoja raia wa Pakistan.

Wazee ni kisima cha maarifa na uzoefu hivyo jamii lazima ijitahidi kuhakikisha inashirikiana nao kikamilifu katika kutoa michango muhimu kwa ajili ya maendeleo ya jamii hizo. Amesema Katibu Mkuu wa Umoja wa Mataifa hii leo dunia ikiadhimisha siku ya Kimataifa ya Wazee duniani.