Hali inaendelea kuwa shwari katika Goma, lile eneo la mashariki katika Jamhuri ya Kidemokrasi ya Kongo, ambapo mnamo siku za karibuni mapigano makali yalishtadi huko baina ya vikosi vya serikali na waasi wa kundi la CNDP.
Wajumbe 80 wanaowakilisha serikali, viwanda na makarkhana, pamoja na taasisi za kufanyia utafiti na vile vile mashirika yasio ya kiserikali wamejumuika hii leo Geneva kuhudhuria kikao cha siku tatu kujadilia gharama za kutumia dawa mbadala na DDT, kemikali ambayo hutumiwa kuua vijidudu vya malaria, na yenye kuathiri vibaya afya ya wanadamu.
Mji wa Nanjing, uliopo mashariki katika Jamhuri ya Umma wa Uchina wiki hii utakuwa mwenyeji kwa wajumbe kadha wa kimataifa watakaohudhuria Kikao cha Nne cha Warsha wa Kuzingatia Huduma za Miji Bora Duniani.
Ijumatatu, Baraza Kuu la UM linajadilia ripoti ya Baraza la Maendeleo ya Uchumi na Jamii (ECOSOC); na pia kuzingatia masuala juu ya uhusiano wamashirika ya kikanda na mengineyo na UM. Kadhalika wajumbe wa kimataifa wanafanya mapitio kuhusu ripoti ya KM ya kumbukumbu za majanga ya maangamizi ya halaiki, hususan lile janga la maangamizi ya wafuasi wa dini ya Kiyahudi kwenye Vita Kuu ya Pili. ~
KM Ban Ki-moon ametangaza kumteua tena Liuteni-Jenerali Babacar Gaye wa Senegal kuwa Kamanda Mkuu wa Dharura wa Vikosi vya MONUC kwa miezi sita ijayo. Lengo la uteuzi huo wa Jenerali Gaye ni kukabiliana vyema na matatizo yaliozuka Kivu Kaskazini katika JKK. Jenerali Gaye alikuwa Kamanda Mkuu wa MONUC kuanzia March 2005 hadi Oktoba 2008.
