Mkariri/Mtaalamu Maalumu Huru wa UM juu ya Mateso, Manfred Novak Alkhamisi alihutubia Kamati ya Tatu ya Baraza Kuu la UM ambapo alihadharisha kwamba katika uchunguzi wake wa kimataifa amegundua na kuthibitisha ya kuwa vitendo vya mateso vinaendelea kufanywa desturi za kawaida katika nchi nyingi za dunia.
Kundi la kwanza la vikosi vya wanajeshi 100 wa Chad waliofunzwa na Shirika la UM la Ulinzi wa Amani katika Jamhuri ya Afrika ya Kati na Chad (MINURCAT) linatazamiwa kuenezwa kwenye maeneo ya mashariki ya nchi kulinda kambi za wahamiaji wa ndani na wale wa kutokea mataifa jirani.
UM umeripoti watu 12,225 wameambukizwa na maradhi ya kipindupindu katika Guinea-Bisaau.
Shirika la Kimataifa kuhusu Wahamaji (IOM) limeripoti kwamba wahamiaji wa ndani milioni 1.7 wamefanikiwa kurejeshwa makwao, kwa khiyari katika Sudan Kusini kufuatia utiaji sahihi wa yale Mapatano ya Jumla ya Amani yaliokamilishwa mnamo mwezi Januari 2005. ~ ~
Charles Vincent, Mkurugenzi wa Ofisi ya Geneva ya Miradi ya Chakula Duniani (WFP) alisema kwenye mahojiano na Redio ya UM ya kwamba shirika linakabiliwa na upungufu wa dola milioni 46 zinazohitajika kidharura kununua tani 33,000 za chakula ili kuhudumia umma ulioathirika na mapigano katika jimbo la Kivu Kasakazini. Alisema tangu mwezi Agosti watu 200,000 walilazimika kuhama makazi katika sehemeu za mashariki ya Jamhuri ya Kidemokrasi ya Kongo kwa sababu ya kufufuka tena kwa mapigano baina ya majeshi ya Serikali na makundi ya waasi. Kadhalika matatizo ya utapiamlo yameanza kushuhudiwa miongoni mwa watoto wa eneo hilo.
Shirika la UM juu ya Makazi (UN-HABITAT) limewasilisha ripoti mpya juu ya Hali ya Utulivu wa Miji Duniani kwa 2008/2009.
Mkariri Maalumu wa UM juu ya Makazi Bora, Raquel Rolnik alasiri anatarajiwa kuzungumzia Baraza Kuu juu ya athari za matatizo ya mikopo ya nyumba iliozuka, hasa katika mataifa yalitoendelea katika miezi ya karibuni.
Baraza Kuu la UM limeteua wajumbe 18 kutumika kwenye Halmashauri ya Uchumi na Jamiii (ECOSOC), moja ya chombo muhimu cha UM, kwa miaka mitatu ijayo kuanzia Januari 2009.
Wawakilishi 150 ziada kutoka nchi 71 wamekusanyika Nairobi, Kenya wiki hii kuhudhuria mkutano wa UM unaozingatia majukumu ya taasisi za kitaifa zilizobuniwa kulinda na kutekeleza haki za binadamu, kwa kulingana na vyombo vya mahakama, utekelezaji wa sheria na uangalizi wa hali kwenye vituo vya kufungia watu.
Makao Mkuu ya UM yatafanyisha tafrija maalumu Alkhamisi ya leo kuadhimisha ‘Siku ya Chakula Duniani’ – ambayo husherehekewa rasmi kimataifa Oktoba 16.
