KM ameonya kwamba hali ya usalama, kwaujumla, katika Iraq imefikia ‘kikomo cha hatari’ na inabashiria kuzusha mapigano ya wenyewe kwa wenyewe miongoni ya makundi yenye uhasama wa kimadhehebu nchini humo. Kwa mujibu wa takwimu za Serekali imethibitika kwamba kila siku watu 100 huuawa nchini Iraq na, kwa wastani, 14,000 wengineo hujeruhiwa kila mwezi.
Serekali ya Sudan karibuni ilijihusisha kwenye mazungumzo ya hali ya juu, yaliyoandaliwa katika mji wa Juba, kwa madhumuni ya kujaribu kuukomesha ule uhasama ulioselelea katika kipindi cha karibu miongo miwili huko Uganda ya kaskazini, kati ya vikosi vya Serekali na wafuasi wa lile kundi la waasi la Lord\'s Resiastance Army (LRA).
~Mratibu wa idara ya huduma za dharura ya Umoja wa Mataifa Bw. Jan Egeland akiwa ziarani huko Afrika ya kati alianza ziara yake huko Kongo mashariki, kwa kutemebelea kambi za wakimbizi na watu walioathirika sana na mapigano nchini humo.
Katibu Mkuu (KM) wa Umoja wa Mataifa, Bw. Kofi Annan amepongeza kuondolewa vizuizi vya Israel dhidi ya Lebanon na kusema kitendo hicho ni ushindi kwa juhudi za amani za jumuiya ya kimataifa.
Shirika la UM juu ya Wahamiaji (UNHCR) linabashiria watu wengi watapoteza maisha kutokana na kufumka kwa shughuli hatari za misafara ya magendo ya watu katika Ghuba ya Yemen, umma ambao husafirishwa kutoka Usomali na kupelekwa Yemen.
Kufuatia uamuzi wa Serekali ya Eritrea kupiga marufuku na kuwafukuza watumishi watano wa Umoja wa Mataifa, Katibu Mkuu amelazimika kutoa malalamiko juu ya tabia ya uhasama uliolivaa taifa hilo dhidi ya Shirika la Ulinzi wa Amani la UM Mipakani kati ya Ethiopia na Eritrea (UNMEE), shirika ambalo mtumishi wake mmoja alikamatwa hivi karibuni na Eritrea na kuwekwa kizuizini.
Maafisa wa usalama katika Tanzania wamemuachia huru yule wakili wa utetezi kwenye mahakama ya kimataifa ya Rwanda, (ICTR) bila ya maelezo juu ya sababu za kukamatwa kwa wakili huyo.
Mkurugenzi Mkuu wa Shirika la UM juu ya Chakula na Kilimo Duniani (FAO), Bw Jacques Diouf ameonya ya kuwa jumuiya ya kimataifa haitofanikiwa kukamilisha kwa wakati Malengo ya Maendeleo ya Milenia (MDGs) bila ya kukabiliana, kama inavyopaswa, na tatizo liliokithiri la njaa na umaskini.
Wajumbe kutoka karibu mataifa 100 walikusanyika kwenye Makao Makuu ya UM mjini New York, mwishoni mwa mwezi Agosti na kupitisha azimio muhimu la karne la kuridhia Mkataba wa UM juu ya Haki za Watu Walemavu.~
Wajumbe kutoka karibu mataifa 100 walikusanyika kwenye Makao Makuu ya UM mjini New York, mwishoni mwa mwezi Agosti na kupitisha azimio muhimu la karne la kuridhia Mkataba wa UM juu ya Haki za Watu Walemavu.~
