Wakati umefika wa kusema sasa basi na kupatia wasichana wakimbizi fursa ya kwenda shule hadi elimu ya juu ili waweze kujinasua kutoka lindi la umaskini na mateso, imesema ripoti mpya ya shirika la Umoja wa Mataifa la kuhudumia wakimbizi, UNHCR iliyotolewa hii leo ikipatiwa jina, #HerTurn.
Kamisha mkuu wa haki za binadamu wa Umoja wa Mataifa leo ametoa wito wa mgogoro wa Syria kufikishwa kwenye mahakama ya kimataifa ya uhalifu ICC.
Shirika la Umoja wa Mataifa la kuhudumia wakimbizi UNHCR linasema haba na haba hujaza kibaba kwa wakimbizi, hususani ambao sasa wamepata maskani ya kudumua na kuanza kujenga upya maisha yao kama binti sandrine kutoka Burundi.Siraj Kalyango anatupasha zaidi
Hatimaye vuta nikuvute ya uchaguzi nchini Liberia imefikia ukingoni baada ya mshindi aliyepatikana sasa kuapishwa rasmi kuwa Rais wa nchi hiyo. Naye si mwingine bali ni George Weah, msakata kabumbu wa kimataifa ambaye sasa ametundika daluga na kujikita katika siasa.
Maendeleo ya sayansi na teknolojia yana fursa kubwa ya kuchagiza mchakato wa utekelezaji wa maalengo ya maendeleo endelevu au SDGs endapo changamoto zake zitashughulikiwa ipasavyo.
Vijana! Umoja wa Mataifa unasema kuwa kundi hili ndilo linalopaswa kuwa mstari wa mbele kutekeleza malengo ya maendeleo endelevu, SDGs. Hii ni kwa kuzingatia siyo tu wingi wao hivi sasa bali pia uwezo wao wa kubuni na kugundua teknolojia bora na fanisi za kufanikisha malengo hayo.
