Habari kwa Ujumla

Fursa za kiuchumi na kijamii kwenye ukanda wa Mediteranea ambao kihistoria unatambulika kwa maendeleo ya kitamaduni, hivi sasa ziko mashakani kutokana na ukanda huo kughubikwa na matatizo.

Katibu Mkuu wa Umoja wa Mataifa Antonio Guterres amesema hayo akihutubia kikao cha Baraza la Usalama la Umoja wa Mataifa kilichokutana leo kujadili changamoto za amani na usalama kwenye ukanda huo unaojumuisha nchi zote zinazozingira bahari ya Mediteranea.

Muziki wa asili umekuwa haupatiwi kipaumbele na vijana wengi maeneo mbali mbali duniani licha ya kuwa ni sehemu ya utamaduni wao kwani unazungumzia asili yao. Lakini hali ni tofauti kwa mwanamuziki wa muziki wa asili kutoka nchini Tanzania  Msafiri Zawose ambaye licha ya vijana wenzake wengi kujikita katika muziki wa kizazi kipya almaarufu  bongo fleva yeye ameamua kuitangaza nchi yake kupitia muziki asilia. Je anafanya nini? Namkeshe Msangi wa Radio washirika Voice of Afrika kutoka Korogwe Tanzania amezungumza naye katika makala hii ya midundo.

Kamishna Mkuu wa haki za binadamu wa Umoja wa Mataifa Zeid Ra'ad Al Hussein ameonyesha hali  ya wasiwasi  juu ya kuwepo kwa uwazi na uhuru kwenye uchaguzi nchini Cambodia baada ya mahakama kuu nchini  humo  kufuta usajili wa chama kikuu cha upinzani kwa miaka mitano.

Chama hicho, CNRP ambacho ni kikuu cha upinzani Cambodia kimekuwa kinapinga uamuzi wa mahakama kuzuia uhuru wa vyombo vya habari nchi humo huku wizara ya mambo ya ndani ikidai kuaw kimekuwa kikipanga  njama za mapinduzi dhidi ya serikali.

Shirika la Umoja wa mataifa la kuhudumia wakimbizi UNHCR limesema linatiwa wasiwasi mkubwa kutokana na ongezeko la mauaji na vitisho dhidi ya watetezi wa haki za binadamu na viongozi wa kijamii katika jimbo la pwani ya Pacific nchini Colombia ambapo wahanga katika visa vingi ni kutoka jamii za watu wa asili au za Wacolombia wenye asili ya Afrika.

Nishati ya jua imeleta nafuu katika utoaji wa huduma za afya kwenye wilaya ya Cox’s Bazar nchini Bangladesh ambako mamia ya maelfu ya wakimbizi warohingya kutoka Myanmar wamesaka hifadhi.

Shirika la uhamiaji la Umoja wa Mataifa, IOM limesema wamechukua hatua hiyo ili kuweza kutoa huduma mchana na usiku kutokana na ongezeko kubwa la watu wanaohitaji huduma za afya.

Tangu mwezi Agosti mwaka huu zaidi ya warohingya waliosaka hifadhi eneo hilo ni zaidi ya laki 8 ambapo wanakabiliwa na matatizo ya kiafya.

Joel Millman ni msemaji wa IOM, Geneva Uswisi.

Juhudi za kimataifa za kupambana na kuenea kwa usugu wa vijiumbe maradhi mashambani na kwenye mfumo wa chakula zina shika kasi , kutokana na kuungwa mkono na serikali na msaada wa kiufundi unaoziwezesha nchi kukabili tatizo hilo limesema shirika la shakula na kilimo FAO hii leo.

Harakati za warohingya kukimbia nchi yao Myanmar kutokana na mateso zinazidi kutia wasiwasi zaidi wakati huu ambapo wanaendelea kumiminika Bangladesh kwa kutumia usafiri unaotishia zaidi maisha yao.

Shirika la kuhudumia wakimbizi la Umoja wa Mataifa, UNHCR limesema hivi sasa warohingya wanatumia vyelezo walivyojitengenezea wenyewe kwa kutumia mianzi na makopo na hivyo kuhatarisha maisha yao majini.

Shirika la umoja wa Mataifa la hali ya hewa WMO, linataka hatua zaidi zichukuliwe ili kufanikisha mfuko wa kukabiliana na athari za mabadiliko ya tabianchi na pia kutoa taarifa mapema uitwao CREWS.

Mfuko huo unahitaji dola milioni 100 ifikapo mwaka 2020 ambapo WMO inataka kasi zaidi ya uchangiaji ili kusaidia nchi maskini zilizo katika hatari za kuathiriwa na mabadiliko ya tabianchi.

WMO imesema bila uwekezaji pia katika mfuko huo msaada kwa nchi maskini kukabili mabadiliko ya tabianchi itakuwa matatizo makubwa.

Haki za binadamu bila shaka ni shememu kubwa ya suluhu ya vita dhidi ya ugaidi, amesema leo mjini London Katibu Mkuu wa Umoja wa Mataifa Antonio Guterres katika hotuba yake kwenye chuo kikuu cha masomo ya Mashariki na Afrika SOAS.

Ameongeza kuwa"Ugaidi unashamiri wakati watu wasiokuwa na wasiwasi wanapokutana na mitazamo tofauti na kupoteza imani na mara nyingi miziz yake ni kutokuwa na matumaini na kukata tamaa na ndio sababu, haki zote za binadamu zikiwemo za kiuchumi, kijamii na kitamaduni bila shaka ni sehemu ya suluhu katika vita dhidi ya ugaidi kwani