Habari kwa Ujumla

Uhalifu dhidi ya wahamiaji waliofungwa au kusafirishwa kwa njia haramu kupitia Libya unaweza kuwajibishwa chini ya mamlaka ya  mahakama ya kimataifa ya uhalifu, ICC.

Kauli hiyo imetolewa na mwendesha mashtaka wa ICC, Bi Fatou Bensouda, akihutubia kikao cha Baraza la Usalama kilichokutana leo kwenye makao makuu ya Umoja wa Mataifa kujadili hali nchini Libya.

Bi Bensouda amesema iwapo ukatili mkubwa unaendelea kutekelezwa , kwa kutumia mkataba wa Roma hata sita kutoa tangazo la kukamatwa kwa wahalifu wanaotekeleza vitendo hiyvo.

Shirika la Kazi Duniani ILO kwa kushirikiana na Serikali ya Norway wamesaidia vijana kwenye ukanda wa Mashariki na Kusini mwa Afrika kuboresha stadi zao katika biashara na pia kuwapa fursa za ajira katika sekta mbalimbali kama vile za hoteli na utalii. Hii ni sehemu ya uanagenzi wa kuhakikisha wanafunzi wanapata mafunzo ya kinadharia na vitendo ili wanapomaliza masomo yao wawe na stadi za kutosha. Je wamefanya nini? Selina Jerobon amefuatilia makala hii.

Wataalamu wa haki za binadamu wa Umoja wa Mataifa  leo wametoa wito kwa serikali ya Brazil kuchukua hatua za haraka katika  mapambano  dhidi ya utumwa wa kisasa unaodhoofisha kanuni za ushirika.

Urmila Bhoola ambaye ni mtalaam huru wa haki za binadam wa Umoja wa Mataifa amesema, vitendo vya utumwa wa kisasa vinaongeza nchini humo na ni hali inayotia wasiwasi kufuatia maamuzi ya wizara kifungu namba 1129 kinachopunguza  kutilkia mkazo mapampano dhidi ya vitendo vya utumwa wa kisasa.

Idadi ya watu wanaotawanywa na athari za mbadiliko ya tabia nchi ikiwemo ukame, mafuriko, vimbunga na majanga mengine inaongezeka , kwa mujibu wa taarifa ya shirika la Umoja wa Mataifa la kuhudumia wakimbizi UNHCR iliyotolewa leo kwenye mkutano wa mabadilko ya tabia nchi COP23 unaoendelea nchini Ujerumani.

Mkurugenzi mkuu wa shirika la Umoja wa mataifa la elimu , sayansi na utamaduni UNESCO Irina Bokova , leo amelaani vikali mauaji ya mfanyakazi wa televisheni ya Shamshad, yaliyotokea jana mjini Kabul  Afghanistan baada ya mtu mwenye silaha kuvamia ofisi za televisheni hiyo na kujeruhi pia wafanyakazi wengine kadhaa.

Serikali ya Zambia hii leo kwa kushirikiana na Benki ya Dunia wamezindua nyaraka tatu muhimu zenye lengo la kuendeleza na kuimarisha sekta ya kifedha nchini humo.

Uzinduzi wa nyaraka hizo, mkakati wa ujumuishwaji wa wananchi kwenye sekta ya fedha, sera ya uendelezaji wa sekta ya fedha na ripoti kuhusu uwezo wa kifedha  umefanyika mjini Lusaka, Zambia.

Mpango wa kubadili madeni kati ya Shirikisho la Urusi na serikali ya Msumbiji umeweka ahadi ya dola milioni 40 za Marekani, ambazo zitatumiwa na shirika la Umoja wa Mataifa la mpango wa chakula duniani (WFP) ili kusaidia Serikali ya Msumbiji kutoa mlo mashuleni  kwa watoto 150,000 nchini humo kwa zaidi ya miaka mitano ijayo.

Mbali na kufuta madeni kwa Msumbiji, mpango huo utatoa rasilimali mpya kwa ajili ya maendeleo na kusaidia upanuzi wa mpango wa kitaifa wa mlo shuleni ambao unalenga kutoa chakula katika shule zote za msingi nchini Msumbiji.

Shirika la chakula na kilimo duniani, FAO kwa kushirikiana na serikali  ya Ecuador leo wamezindua kijitabu cha maelekezo chenye lengo la kuboresha mazingira ya kazi na afya ya wafanyakazi wanaozalisha ndizi.

FAO kupitia taarifa yake inasema mahitaji ya ndizi ni makubwa duniani na kutokana na hali hiyo wamiliki wa sekta hiyo hutumia kila mbinu kupunguza gharama za uzalishaji hali ambayo ina madhara makubwa kwa haki za wafanyakazi na mazingira.

[caption id="attachment_331311" align="aligncenter" width="625"]03hapanapalejimripoti

Shirika la afya ulimwenguni WHO linapendekeza wakulima na sekta ya chakula kuacha matumizi ya viuavijasumu au antibiotics mara kwa mara ili kukuza haraka mifugo na kuzuia magonjwa kwa wanyama wenye afya.

Mapendekezo hayo mapya ya WHO yaliyotolewa leo yanalenga kusaidia kulinda uwezo wa dawa za viuavijasumu ambazo ni muhimu kwa matumizi ya binadamu kwa kupungua matumizi yasiyohitajika ya dawa hizo kwa wanyama.