Maji na usafi ni changamoto kwa wakimbizi wa Rohingya: IOM

31 Oktoba 2017

Upatikanaji wa maji safi na mazingira ya usafi ndio changamoto kubwa inayowakabili wakimbizi wa Rohingya waliongia Bangladesh kutokea Myanmar limesema leo shirika la kimataifa la uhamiaji IOM.

Tangu tarehe 25 Agosti zaidi ya wakimbizi wa Rohingya 600,000 wamevuka mpaka na kuingia Bangladesh. IOM inasema ingawa kasi ya idadi ya wakimbizi wapya wanaoingia inapungua, lakini bado watu wanaendelea kuwasili katika makazi ya Cox’s Bazar  kila siku na kufanya jumla ya Warohingya walio katika wilaya hiyo kuzidi 820,000.

Shirika hilo linasema makazi ya Cox’s Bazar yamefurika na kusababisha shinikizo kubwa la rasilimali muhimu za maji safi na usafi. Na wakimbizi wengi wanaowasili wanakuwa hoi kwa uchovu na kuumwa baada ya kutembea kwa siku kadhaa bila chakula na maji.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud