Leo ni siku ya kimataifa ya wasichana katika tehama na mwaka huu inasherehekea uongozi ikisisitiza hitaji muhimu la kuwa na mifano thabiti ya wanawake viongozi katika taaluma ya sayansi, teknolojia, uhandishi na hisabati -STEM kwani hali ilivyo sasa kuna wanawake viongozi wachache katika maeneo hayo.
Ripoti mpya ya Umoja wa Mataifa iliyotolewa leo inaonya kuwa licha ya kwamba teknolojia za kidijitali zinachochea ufundishaji na kujifunza, teknolojia hizo hizo zinaambatana na hatari kubwa kwa mtumiaji kama vile kuingilia faragha yake, kumtumbukiza kwenye uonevu wa kimtandao na vile vile kumuondoa kwenye mwelekeo sahihi.
Mjumbe Maalum wa Katibu Mkuu wa Umoja wa Mataifa kwa Kanda ya Maziwa Makuu leo amewasilisha kwa Baraza la Usalama taswira ya kutisha ya hali ya Mashariki mwa Jamhuri ya Kidemokrasia ya Congo DRC, inayoambatana na mvutano unaoendelea kati ya nchi hiyo na Rwanda, na hatari ya mzozo huo kusambaa kikanda.
Kushindwa kwa Tanzania kulaani na kuchunguza mashambulizi dhidi ya watu wenye ualbino kunaweza kuwa ni ukiukwaji mkubwa wa wajibu wake wa kuwalinda watu wenye ulemavu, wamesema wataalamu wa Umoja wa Mataifa leo katika Ofisi za Umoja wa Mataifa mjini Geneva, Uswisi.
Ripoti mpya ya kimataifa iliyotolewa leo na shirika la chakula na kilimo la Umoja wa Mataifa FAO kuhusu mgogoro wa chakula duniani inasema karibu watu milioni 282 walio katika nchi 59 walikabiliwa na viwango vya juu vya njaa mwaka 2023 ambayo ni sawa na mtu 1 kati ya 5 na sasa wanahitaji hatua za haraka kuepushwa na baa la njaa.
Nchini Tanzania kampeni ya siku 5 ya chanjo dhidi ya saratani ya shingo ya kizazi, au Human Papilloma Virus, (HPV) imeingia siku ya tatu hii leo nchini kote ikilenga zaidi ya watoto wa kike milioni 5 wenye umri wa kati ya miaka 9 hadi 14.
Wiki ya Kimataifa ya Chanjo ambayo huadhimishwa katika kila wiki ya mwisho ya mwezi Aprili, inalenga kuangazia hatua za pamoja zinazohitajika na kuhimiza matumizi ya chanjo kuwalinda watu wa rika zote duniani dhidi ya magonjwa.
Vijana wameelezwa kuwa na umuhimu mkubwa katika kusongesha mbele moja ya ajenda kubwa za 2030 za Umoja wa Mataifa ambayo ni kukabiliana na janga la mabadiliko ya tabianchi. Na katika kutambua mchango wao Shirika la Umoja wa Mataifa la mpango wa maendeleo UNDP, limekuja na mbinu mbalimbali za kuwashirikisha vijana ili wasiachwe nyuma katika suala hilo na mengine kama ya kuleta amani na usalama. Olle Mjengwa anayefanyakazi ya UNDP ofisi ya Roma Italia amezungumza na UN News kandoni mwa Jukwaa la vijana la Baraza la Kiuchumi na Kijamii ECOSOC lililokunja jamvi mwishoni mwa wiki ili kufafanua kuhusu ushirikishwaji huo wa vijana katika UNDP
Kamishna Mkuu wa Shirika la Umoja wa Mataifa la Kuhudumia Wakimbizi wa Palestina (UNRWA), Philippe Lazzarini, leo (23 Apr) aakizungumza na waandishi wa habari mjini New York, Marekani amerudia kusema anakaribisha mapendekezo ya ripoti iliyokuwa ikisubiriwa kwa hamu kuhusu juhudi zake za kuhakikisha kutoegemea upande wowote na kujibu madai ya ukiukaji mkubwa yanapojitokeza.
Wakati shirika la afya la Umoja wa Mataifa WHO limetoa kibali wiki hii kwa chanjo mpya ya kipindupindu "Euvichol-S" kuanza kutumika, shirika hilo limesema lina wasiwasi mkubwa kuhusu kuongezeka kwa ugonjwa huo kote duniani.
