Habari Mpya

Janga la elimu likichangiwa na janga la COVID-19, Umoja wa Mataifa unashirikiana na shirika la kutoa misaada kwa watoto la Theirworld na wadau wengine katika sekta hiyo, kuzindua kampeni ya #LetMeLearn au ‘Hebu nijifunze’, na kuwataka viongozi wa dunia kusikiliza sauti za vijana na kuweka mipango na fedha zinazohitajika ili kutoa elimu bora kwa kila mtoto. 

Katibu Mkuu wa Umoja wa Mataifa António Guterres leo amekuwa na mazungumzo kwa njia ya simu na Rais Félix Tshisekedi wa Jamhuri ya Kidemokrasia ya Congo, DRC kuhusu tukio la walinda amani wa Umoja huo kwenye ujumbe wa kulinda amani nchini humo, MONUSCO kuua raia na kujeruhi wengine mpakani mwa nchi hiyo na Uganda.

Hatimaye meli ya kwanza yenye shehena ya tani elf 26 za mahindi imeondoka leo katika bandari ya Odesa nchini Ukraine ikielekea Tripoli nchini Lebanon ikiwa ni kuanza utekelezaji wa makubaliano yaliyosainiwa tarehe 22 Julai mwaka huu baina ya Urusi na Ukraine chini ya usimamizi wa Umoja wa Mataifa. 

Viongozi wa Umoja wa mataifa pamoja na serikali ya Jamhuri ya Kidemoktrais ya Congo, DRC wametoa heshima zao za mwisho kwa walinda amani watano wa kwenye ujumbe wa Umoja wa Mataifa wa kulinda amani nchini humo MONUSCO waliokufa wakati wa maandamano na uvamizi wa vituo vya ujumbe huo huko Goma na Butembo jimboni Kivu Kaskazini. Walinda amani hao wanatoka Morocco na India ambapo Mwakilishi Maalum wa Katibu Mkuu wa Umoja wa Mataifa nchini humo Bintou Keita amesema MONUSCO iko tayari kwa mazungumzo ya amani ili kuendeleza na kudumisha amani nchini humo.

Wiki ya Unyonyeshaji watoto maziwa ya mama duniani imeanza rasmi hii leo chini ya kauli mbiu yake isemayo Kuongeza Unyonyeshaji: Elimisha na Usaidizi, Umoja wa Mataifa unatoa wito kwa serikali kutenga rasilimali zaidi ili kulinda, kukuza, na kusaidia sera na programu za unyonyeshaji, haswa kwa familia zilizo hatarini zaidi ambazo zinaishi katika mazingira ya dharura.