Mahojiano

Katika kuadhimisha Siku ya Kimataifa ya Walinda Amani leo Mei 29, tumezungumza na baadhi ya watu ambao wamejitolea kutoa huduma hiyo muhimu. Baadhi ya mambo tunayoangazia ni majukumu yao, walivyoitikia wajibu huo, changamoto walizokumbana nazo, na jinsi kuhudumu kama walinda amani kulivyobadilisha mtazamo na maisha yao.

Kazi ya walinda amani ina changamoto kubwa, lakini pia faida nyingi. Leo, Mei 29, ulimwengu unaadhimisha Siku ya Kimataifa ya Walinda Amani. Lakini je, raia wa kawaida wanaiona vipi kazi ya walinda amani? Na je, raia hao wangeombwa wajiunge na kazi ya kulinda amani, wangefanya hivyo? Hayo ni baadhi ya maswali ambayo Jason Nyakundi amewauliza watu mitaani mjini Nairobi, Kenya.

Nchini Uganda utapiamlo unaathiri watoto zaidi ya Milioni Mbili walio na umri wa chini  ya miaka mitano. Hii ni changamoto kwa ufikiaji wa malengo ya maendeleo ya milenia hususan lile la kupunguza vifo vya wajawazito na watoto wachanga. Je ni hatua gani zinafanyika? Ungana na Assumpta Massoi katika ripoti hii.

Shughuli za ulinzi wa amani ni zaidi ya kuzuia mapigano bali pia kuweka mazingira ambamo kwao uhusiano wa kijamii unaweza kuwa bora na maisha yakasonga mbele, kwani chokochoko za kijamii zinaweza kuwa chanzo cha mapigano ya kivita. Mathalani ukatili wa kingono na unyanyasaji wa kijinsia unaweza kukithiri katika maeneo ya migogoro lakini pindi amani inapopatikana basi suala hilo nalo lazima lishughulikiwe ili mchakato wa amani usonge mbele.

Wakati dunia inaadhimisha siku ya kwanza kabisa ya kutokomeza Fistula, jeraha alipatalo mzazi wakati wa kujifungua iwapo anakosa huduma muhimu au maungo yake hayajakomaa kubeba ujauzito, hospitali ya CCBRT nchiniTanzaniainasema bado wataalamu hawatoshi kukidhi mahitaji wakati huu ambapo elimu zaidi inatolewa ili wanawake wenye Fistula waweze kujitokeza kutibiwa jerahahilo. Kauli hiyo ni ya Dokta Robert Marenga, mtaalamu wa kutibu Fistula kwenye hospitali ya CCBRT na alitoa alipohojiwa na Stella Vuzo wa kituo cha habari cha Umoja wa Mataifa jijini DSM.

Mwakilishi maalum wa Katibu Mkuu wa Umoja wa Mataifa  Balozi Augustine Mahiga anahitimisha wadhifa wake huo mapema mwezi ujao baada ya kuhudumu kwa miaka mitatu.Katika kipindi chakeSomaliailiyokuwa imegubikwa na mapigano ya wenyewe kwa wenyewe kwa zaidi ya miongo miwili imeweza kuwa na serikali, bunge na sasa mchakato wa kujenga miundombinu inaendelea. Katika sehemu hii ya pili ya mahojiano maalum na Assumpta Massoi wa Idhaa ya Kiswahili ya Radio ya Umoja wa Mataifa, Balozi Mahiga anazungumzia kile kilichofanikisha mchakato wa kisiasa.

Mkutano wa kimataifa wa Jamii Habari wa tarehe 13 hadi 17 Mei huko Geneva, Uswisi ulioandaliwa na mashirika ya Umoja wa Mataifa ikiwemo lile la mawasiliano, ITU pamoja na mambo mengine unaangalia fursa mpya kwa wajasiriamali wanawake za kuimarisha biashara zao kupitia teknolojia ya habari na mawasiliano, TEKNOHAMA au ICT kwa kimombo. Mathalani matumizi ya simu za mkononi, mitandao ya kijamii na kadhalika.

Baada ya miaka mitatu ya kuhudumu kama Mwakilishi wa Katibu Mkuu wa Umoja wa Mataifa nchini Somalia, Balozi Augustine Mahiga amesema jukumu hilo lilikuwa ni kubwa na changamoto nyingi. Lakini alisonga mbele hadi kuwezesha kuundwa kwa serikali, bunge na katiba nchini humo. Balozi Mahiga ambaye anahitimisha jukumuhilomwezi ujao wa Juni, alisema hayo katika mahojiano maalum na Assumpta Massoi wa Radio ya  Umoja wa Mataifa ambapo katika sehemu hii ya kwanza anaanza kwa kuzungumzia alivyopokea jukumu hiloJuni 2010.

Mwishoni mwa wiki, serikali ya Tanzania ilipata ridhaa ya Bunge la nchi hiyo ya kupeleka vikosi vyake kuungana na brigedi iliyoundwa kwa mujibu wa azimio la Baraza la Usalama la Umoja wa Mataifa ili kuweka utulivu huko mashariki mwa Jamhuri ya kidemokrasi ya Kongo, DRC. Brigedi hiyo itajumuisha pia vikosi kutoka Afrika Kusini na Malawi ambapo imeripotiwa kuwa waasi wa M23 wamedai kuwa Tanzania isipeleke vikosi vyake na ikifanya hivyo itajutia.