Mjumbe Maalum wa Umoja wa Mataifa kwa Syria Staffan de Mistura anaendelea na majadiliano ya ana kwa ana na wawakilishi wa upinzani na serikali ya Syria, mjini Geneva, Uswisi.
Lengo la mazungumzo hayo yasiyokuwa rasmi ni kushawishi pande zote mbili zikubali kunzisha mazungumzo pamoja.
Hii ni kwa mujibu wa taarifa iliyotolewa leo na msemaji wa Staffan de Mistura.
Mkutano wa 26 wa Muungano wa Afrika ukiendelea mjini Addis Ababa Ethiopia, Katibu Mkuu wa Umoja wa Mataifa Ban Ki-moon ameeleza kwamba uwakilishi katika Baraza la Usalama ni moja ya kipaumbele cha Umoja wa Mataifa, lakini ni wajibu wa nchi wanachama kuelewana kuhusu mabadiliko wanayotaka kutekeleza.
Bwana Ban amesema hayo leo akizungumza na waandishi wa habari mjini Addis Ababa, ambapo aliulizwa kuhusu jinsi ya kuimarisha uwakilishi wa Afrika katika mfumo wa Umoja wa Mataifa na hasa Baraza la Usalama, ambalo ni suala lililoibuka katika mkutano wa Muungano wa Afrika.
Katibu Mkuu wa Umoja wa Mataifa amemwambia Naibu Rais wa Burundi Joseph Butore kwamba mchakato wa kisiasa unapaswa kuwa jumuishi, endelevu, na kuungwa mkono na jumuiya ya kikanda na kimataifa ili kupata suluhu kwa mzozo unaoendelea nchini humo.
Bwana Ban amesema hayo akizungumza na Bwana Butore leo kuhusu hali ya kiusalama, haki za binadamu na kibinadamu nchini Burundi, kando ya mkutano wa Muungano wa Afrika ulioanza leo mjini Addis Ababa, Ethiopia.
Bwana Ban ameisihi serikali ya Burundi kuendelea kuwa na uwazi kuhusu hali iliyo nchini humo.
Katibu Mkuu wa Umoja wa Mataifa Ban Ki-moon amezungumzia hali ya usalama nchini Somalia na rais wa Kenya Uhuru Kenyatta, akishukuru mchango wa Kenya katika ujenzi wa amani nchini Somalia, na kusisitiza umuhimu wa kuwa na mkakati thabiti wa kupambana na mizizi ya itikadi kali na katili.
Mazungumzo hayo yamefanyika leo kando ya mkutano wa 26 wa Muungano wa Afrika mjini Addis Ababa Ethiopia.
Akizungumza leo kwenye ufunguzi wa kikao cha 26 cha Muungano wa Afrika, mjini Addis Ababa, Ethiopia, Katibu Mkuu wa Umoja wa Mataifa Ban Ki-moon amewaomba viongozi wa Afrika wafuate mfano wa viongozi wanaocha madaraka kwa kuheshimu katiba za nchi zao.
Ameongeza kwamba uchaguzi ni mtihani kwa utawala bora, huku nchi 17 za Afrika zikitarajia kufanya uchaguzi mwaka huu.
(Sauti ya bwana Ban)
Mjumbe maalum wa Katibu Mkuu wa Umoja wa Mataifa kuhusu Syria, Stafan de Mistura, amesema leo anaamini kuwa ataweza kukutana na kamati kuu ya mashauriano ya upinzani nchini Syria mnamo Jumapili jijini Geneva, Uswisi.
Bwana de Mistura amesema hayo baada ya kukutana na Balozi wa Syria kwenye Umoja wa Mataifa, Bashar Jaafari na ujumbe wa serikali ya Syria.
Alama za utumwa zinasalia kuwa changamoto kubwa nchini Marekani kwa kuwa kumekuwa hakuna ahadi ya kweli kutambua na kuwalipa fidia watu wenye asili ya Afrika, limesema leo jopo la wataalamu wa Umoja mwishoni mwa ziara yao ya pili rasmi nchini humo.
Katibu Mkuu wa Umoja wa Mataifa, Ban Ki-moon, ametangaza leo kuwa amemteua Prof. Romain Murenzi wa Rwanda, kuwa miongoni mwa wataalam kumi watakaosaidia katika utaratibu wa uwezeshaji wa teknolojia, ambao ulizinduliwa katika mkutano wa malengo ya maendeleo endelevu, SDGs, mnamo Septemba 25, 2015.
Wajumbe wa baraza la usalama la Umoja wa Mataifa wamelezea wasiwasi wao kuhusu hali inayoelekea kuahirishwa moja kwa moja duru ya mwisho ya uchaguzi nchini Haiti, ambao awali ulikuwa ufanyike Disemba 27, kisha ukaahirishwa kwa mara ya pili hadi Januari 24 na hadi sasa hauajafanyika.
Msaidizi wa Katibu Mkuu wa Umoja wa Mataifa katika masuala ya mabadiliko ya tabianchi ambaye amemaliza muda wake, Janos Pazstor, amesema mkataba wa mabadiliko ya tabianchi uliopitishwa mwaka jana Paris, Ufaransa umeanza kuzaa matunda.
Akizungumza na waandishi wa habari jijini New York, Marekani, Bwana Pasztor amesema dhihirisho hilo limetokana na ahadi zilizoanza kutekelezwa hata na sekta binafsi hususan katika nishati jadidifu au nishati mbadala.
