Tusipochukua hatua sasa ajenda ya kutokomeza njaa 2030 itakuwa ndoto:FAO

13 Februari 2017

Kushindwa kuchukua hatua sasa kuhakikisha mifumo ya chakula inakuwa imara sanjari na mabadiliko ya tabia nchi, kutaleta zahma kubwa , katika uzalishaji wa chakula katika kanda nyingi na kuzamisha juhudi za kimataifa za kutokomeza njaa na umasikini ifikapo mwaka 2030.

Onyo hilo limetolewa Jumatatu na mkurugenzi mkuu wa shirika la chakula na kilimo José Graziano da Silva ambaye amesisitiza kuwa kilimo kinashikilia ufunguo wa kutatua matatizo mawili makubwa yanayoukabili ulimwengu kwa sasa, utokomezaji wa njaa na kuchangia katika udhibiti wa mabadiliko ya tabia nchi. Ameyasema hayo kwenye mkutano wa kimataifa wa serikali kuhusu mabadiliko ya tabia nchi unaofanyika mjini Dubai.

Da Silva amewataka washiriki kusaidia wakulima wadogowadogo katika nchi zinazoendelea ili wakabiliane na mabadiliko ya tabia nchi. Amesemaasilimia kubwa ya watu walio masikini kabisa na wanaokabiliwa na njaa duniani hutegemea kilimo.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud