Ban akaribisha kuafikiwa ajenda ya maendeleo baada ya 2015

3 Agosti 2015

Katibu Mkuu wa Umoja wa Mataifa, Ban Ki-moon, amekaribisha makubaliano yaliyoafikiwa na nchi wanachama wa Umoja huo kuhusu ajenda ya maendeleo baada ya mwaka 2015, ambayo itapitishwa kwenye mkutano wa wa Septemba 25 hadi 27, 2015. Taarifa kamili na Amina Hassan

(Taarifa ya Amina)

Ban amesema ajenda hiyo iitwayo: "kubadili dunia yetu: ajenda ya mwaka 2030 kwa maendeleo endelevu" inajumuisha masuala yanayowahusu wote, akiitaja kama ya kihistoria na inayowakilisha ufanisi mkubwa duniani.

Ban ameitaja pia ajenda hiyo kuwa ajenda ya wanadamu, ambayo ni mpango wa kutokomeza umaskini wa aina zote, bila kumwacha mtu yeyote nyuma. Amesema inalenga pia kuhakikisha amani na ufanisi, na kubuni ubia unaojali watu na sayari dunia.

Amesema malengo yote 17 ya maendeleo endelevu yaliyoafikiwa yanahusiana, na kwamba itaweka njia mpya ya kutokomeza umaskini, kugawana utajiri na kupambana na vichochea mabadiliko ya tabianchi.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter