Mabaki ya wahamiaji 18 yabainika kwenye jangwa la Sahara

15 Juni 2015

Serikali ya Niger kwa kushirikiana na shirika la kimataifa la uhamiaji, IOM wamebaini mabaki ya miili ya wahamiaji 18 kwenye jangwa la Sahara.

IOM inasema yawezekana wahamiaji hao wakiwemo wanaume 17 na mwanamke mmoja, walifariki dunia wiki moja iliyopita kutokana na upepo na joto kali jangwani na hivyo kukosa maji mwilini baada ya kupotea wakati wakisafiri kuelekea Algeria.

Mkurugenzi Mkuu wa IOM William Lacy Swing amesema kubaini kwa miili hiyo ni ishara ya hatari nyingi zisizofahamika ambazo wahamiaji wanapitia kabla ya kuweka rehani maisha yao bahari ya Mediteranea ili kufika Ulaya.

Amesema jangwa la Sahara linaweza kuwa hatari kama ilivyo bahari hiyo na kwamba visa vingin haviripotiwi.

Kwa mujibu wa IOM wahamiaji hao walitoka Niger, Mali, Côte d'Ivoire, Senegal, Jamhuri ya Afrika ya Kati, Liberia, Guinea na Algeria.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter