Wakati kombe la dunia limeanza UM unasherekea uwezo wa michezo kuleta amani na maendeleo

11 Juni 2010

Katibu Mkuu wa Umoja wa Mataifa Ban Ki-moon amehudhuria sherehe za ufunguzi wa mashindano ya kombe la dunia nchini Afrika ya Kusini.

Hafla hiyo imehudhuriwa na watu mbalimbali mashuhuri, Rais wa FIFA Sep Blata, Rais wa Afrika ya Kusini Jacob Zuma na viongozi na wawakilishi kutoka mataifa mbalimbali ikiwemo mamilioni ya washabiki wa kandandanda. Nderemo hizo na vifijo zimefanyika kwenye uwanja wa mpira wa Soweto mjini Johannesberg ambako mechi ya kwanza ya ufunguzi wa mashindano hayo baina ya wenyeji Afrika Kusini na Mexico imefanyika.

Mashindano haya yanafanyika kwa mara ya kwanza barani Afrika na yanajumuisha timu kutoka mataifa 32. Ban amehudhuria hafla hiyo baada ya kuhitimisha ziara yake nchini Cameroon ambako ameisifia nchi hiyo kama kiungo cha utulivu barani Afrika na kusisitiza kuwa malengo ya milenia yatafikiwa katika bara hilo hasa kwa kuongeza jitihada. Ameishukuru Cameroon kwa kuchangia vikosi vya polisi vya kulinda amani nchini Burundi, Kosovo, Haiti na Darfur.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter