Mratibu Mwandamizi wa masuala ya Kibinadamu na Ujenzi wa Gaza, Sigrid Kaag leo Machi 7 jioni ya saa za New York, Marekani amewadokeza wanahabari baadhi ya mambo aliyoyawasilisha leo katika Baraza la Usalama la Umoja wa Mataifa lililofanya mashauriano ya faragha kuhusu hali ya Gaza.
Maisha yanasonga kwa kasi kutoka kaskazini mwa Gaza. Baada ya kuvumilia karibu miezi mitano ya milipuko ya mabomu, njaa, magonjwa, maumivu na mateso, manusura wengi wa mwisho hatimaye wameeleza wametosheka, kama walivyozungumza na Idhaa ya Umoja wa Mataifa.
Mkurugenzi Mtendaji wa Shirika la Umoja wa Mataifa la mpango wa chakula duniani WFP yupo ziarani nchini Jamhuri ya Kidemokrasia ya Congo DRC ambapo katika kuelekea siku ya wanawake duniani itakayoadhimishwa Ijumaa Machi 8 wiki hii ametembelea vikundi vya wanawake wajasiriamali wanaojishughulisha na shughuli mbalimbali za kuwaingizia kipato .
Ziara ya Naibu Mkuu wa Ofisi ya Umoja wa Mataifa ya Kuratibu Misaada ya Kibinadamu na Masuala ya Dharura OCHA Bi. Joyce Msuya na Naibu Mkurugenzi wa Shirika la Umoja wa Mataifa la Chakula na Kilimo FAO Beth Bechdol nchini Somalia imewaonesha namna takriban watu milioni 7 walivyo na uhitaji wa msaada wa haraka wa kuokoa maisha kutokana na kuathirika na njaa, vita na mabadiliko ya tabianchi.
“Hii miradi ya kujenga soko hili ilitokana na mahitaji ya wanawake wa wilaya Mulekera,” ni kauli ya Benge Mukengere, mkazi wa jimbo la Kivu Kaskazini nchini Jamhuri ya Kidemokrasia ya Congo, DRC akizungumzia moja ya miradi yenye lengo la kuwainua wanawake, miradi iliyofanikishwa na ujumbe wa Umoja wa Mataifa wa kulinda amani nchini humo, MONUSCO.
Zikiwa zimesalia siku chache tu kabla ya kuanza kwa mwezi mtukufu wa Ramadhani na kukiwa hakuna makubaliano ya kusitisha mapigano yanayotarajiwa kwa Gaza, wahudumu wa misaada ya kibinadamu wa Umoja wa Mataifa leo wameelezea wasiwasi wao mkubwa kwamba kuna idadi kubwa inayoongezeka ya watoto wanaokufa kwa njaa.
Noureldin Abdelwahid mwenye umri wa miaka 12, anaishi na wazazi wake na ndugu zake 11 kwenye makazi yenye mkusanyiko wa wakimbizi wa ndani (IDPs) huko Ed Damazine, mji mkuu wa Jimbo la Blue Nile, kusini-mashariki mwa Sudan. Noureldin alipata polio alipokuwa mdogo, ambayo iliathiri maisha yake sana.
Mratibu wa Misaada ya Kibinadamu katika eneo la Palestina linalokaliwa kimabavu, James McGoldrick leo (Machi 6) amesema, "watu waliofurushwa hadi Rafah, Gaza wameondoka sasa kwa sababu wanahofia uvamizi wa kijeshi unaweza kutokea," na kuonya kwamba "hakuna chaguo rahisi ambako watu wangeenda."
Hii leo huko Yaoundé nchini Cameroon, Mawaziri wa Afya kutoka nchi za Afrika zinazokumbwa zaidi na ugonjwa wa Malaria, wameahidi kuchagiza hatua za kutokomeza vifo vinavyotokana na ugonjwa huo.
Wakati mzozo wa Syria ukiingia katika mwaka wake wa 14, eneo hilo linakabiliwa na hali ya kutisha ambapo mahitaji ya wakimbizi wa Syria na jamii zinazowahifadhi yanaongezeka huku ufadhili wa kuwasaidia wakimbizi hao ukiendelea kupungua umeonya leo Umoja wa Mataifa na kuongeza kuwa haya yanajiri katika wakati mgumu sana na tete katika eneo hilo.
