Guterres aelezea kusikitishwa na madhara ya kimbunga Idai, WFP yajizatiti kuwasilisha misaada

17 Machi 2019

Katibu Mkuu wa Umoja wa Mataifa ameelezea kusikitishwa kwake na vifo, uharibifu wa mali na kufurushwa kwa watu kufuatia mvua kubwa na mafuriko yaliyosababishwa na kimbunga Idai.

Bwana Antonio Guterres kupitia taarifa iliyotolewa na msemaji wake ametoa salamu za rambirambi kwa familia na waathirika na kwa watu na serikali ya Zimbabwe.

Halikadhalika taarifa ya msemaji wa Katibu Mkuu imemnukuu akielezea  mshikamano wa  Umoja wa Mataifa na mamlaka Zimbabwe na kuelezea utayari wa Umoja huo kufanya kazi nao wakati huu wakijibu mahitaji ya kibinadamu yanayotokana na jangah ilo.

Wakati huo huo shirika la Umoja wa Mataifa la mpango wa chakula duniani, WFP limewasilisha tani 20 za msaada wa chakula wa dharura mwishoni mwa juma hili kwa njia ya ndege.

Kwa mujibu wa taarifa ya msemaji wa WFP Herve Verhoosel, shirika hilo pia kwa ushirikiano na serikali zimetoa boti 30 kwa ajili ya kusafirisha chakula nchini Msumbiji kufuatia Kimbunga IDAI kuukumba mji wa bandari wa Beira nchini humo.

Kufuatia kimbunga hicho ambacho kimesababisha mafuriko makubwa ambayo yameshaathiri maeneo mengine Kusini mwa Afrika ikiwemo Kusini mwa Malawi na Mashariki mwa Zimbabwe, WFP limepeleka wafanyakazi Beira, Zambezi na Tete.

Bwana Verhoosel amesema WFP imewaslisha msaada wa kwanza kwa watu 6,000 walioathirika na mafuriko Tere kupitia mgao wa pesa taslimu kwa ushirikiano na wafanya biashara mashinani.

Aidha WFP imefadhili ndege zisizo na rubani kwa ajili ya ramana ya wakati wa dharura na zinatarajiwa kuwasilishwa Beira haraka iwezekanavyo kwa ajili ya kusaidia tathmini ya mashirika. Pia WFP imekodisha helikopta kwa ajili ya operesheni za anga kwa ajili ya kufikia maeneo ambayo hayafikiki yaliyozingirwa na maji.

WFP katika kipindi cha siku chache zijazo itaimarisha mgao wa chakula ambapo kwa sasa makadirio yanaonyesha kwamba watu milioni 1.7 walikuwa katika hatari ya kukumbwa na kimbunga na watu 920,000 waliathirika Ma ,aelfu ziaid huko nchini Zimbabwe ambako tathmini inaendelea.

Nchini Malawi, WFP inatarajia kufikia watu 650,000 na msaada wa chakula nako Msumbiji ikilenga watu 600,000 kufuatia kimbunga IDAI.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud

Fuatilia Habari: Habari zilizopita za Mada Hii

Waathiriwa wa mafuriko Msumbiji wanahitaji suluhu ya kudumu, asema mtaalamu wa UM

Baada ya kukamilisha ziara ya uchunguzi nchini Msumbiji, Mjumbe wa KM juu ya Haki za Wahamiaji wa Ndani Waliong\'olewa Mastakimu, Walter Kaelin, alitoa mwito unaoitaka Serikali ya Msumbiji, pamoja na jamii ya kimataifa, kukuza juhudi za kuwapatia makazi na huduma nyengine za kuendeleza maisha ya kawaida wale watu walioharibiwa mali zao na mafuriko yaliojiri nchini humo miezi ya karibuni.

UNICEF kuiombea Malawi msaada wa dharura kudhibiti mafuriko

Shirika la UM kuhusu Mfuko wa Maendeleo kwa Watoto (UNICEF)limetangaza ombi maalumu linaloishinikiza jumuiya ya kimataifa kufadhilia mchango wa dharura wa dola milioni 2.5 kuhudumia chakula ule umma ulioathirika na mafuriko yaliosambaa Malawi. UNICEF imetahadharisha kwenye taarifa yake kwamba pindi ombi lao halitokamilishwa kwa wakati kuna hatari ya watu milioni moja kukabiliwa na njaa maututi katika Malawi.