Idadi ya watu waliofurushwa makwao Mosul imezidi uwezo wa kuwasaidia – UM

18 Mei 2017

Idadi ya watu waliolazimika kuhama makwao kutokana na mapigano katika mji wa Mosul nchini Iraq imezidi uwezo wa usaidizi wa kibinadamu, amesema mratibu wa masuala ya kibinadamu nchini humo, Lise Grande.

Kwa mujibu wa Bi Grande, takriban watu 700,000 wamekimbia makwao tangu operesheni za kijeshi zilipoanza mwezi Oktoba mwaka 2016, zikilenga kuunyakua tena mji wa Mosul kutoka wapiganaji wa ISIL.

Idadi hiyo inajumuisha watu nusu milioni kutoka magharibi mwa mji pekee.

Wengi wa waliofurushwa makwao wanahitaji chakula, na hawajaweza kupata maji safi ya kunywa na dawa kwa kipindi cha wiki kadhaa au hata miezi.

Kufikia sasa, ombi la dola milioni 985 kwa ajili ya huduma za kibinadamu Iraq limefadhiliwa kwa asilimia 30 tu.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter