Mkutano wa kukabiliana na homa ya ini kufanyika Scotland

2 Septemba 2015

Zaidi ya nchi 60 zinakutana mjini Glasgow nchini Scotland kuweka mikakati ya kukabiliana na homa ya ini au Hepatitis ambayo ni tishio kwa nchi zenye kipato cha chini na kati.

Mkutano huu wa aina yake unalenga kuokoa maisha ya watu milioni 1.4 wanaokufa kwa ugonjwa huo kila mwaka na unaongozwa na kauli mbiu “wito wa kuzinduka”

Kwa mujibu wa shirika la afya ulimwenguni WHO, Homa ya ini ambayo huathiri zaidi nchi masikini hususani Hepatitis B na C husababisha asilimia 80 ya vifo vitokanavyo na saratani ya ini huku watu wengi wanaoishi na virusi sugu hawatambui kuhusu maambukizo hayo.

Katika nchi zilizoko kusini mwa jangwa la Sahara na Asia Mashariki takribani aislimia 10 ya watu wameathiriwa na Hepatitis B sugu. Mkutano huo utafanyika kwa siku tatu ambapo  WHO kwa kushirikiana na shirika la kukabiliana na Hepatitis linataka nchi kukuza mikakati bora dhidi ya ugonjwa huo.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter