WFP yajitahidi kuokoa wafanyakazi wake Sudan

29 Januari 2015

Shirika la mpango wa chakula duniani, WFP linaendelea na jitihada zake ili wafanyakazi wake sita wanaoshikiliwa huko eneo la Kordofan Kusini nchini Sudan waweze kuachiliwa huru.

Wafanyakazi hao ni wa helikopta ya Umoja wa Mataifa ambayo ilikuwa inasafiri kutoka Sudan Kusini kwenda Khartoum nchini Sudan kwa ajili ya matengenezo ya kawaida siku ya Jumatatu lakini ilifanya kituo cha dharura Kordofan Kusini na yadaiwa wanashikiliwa na waasi wa Sudan People's Liberation Movement, SPLM-North.

George Fominyen, Afisa habari wa WFP amethibitisha kuwa wafanyakazi hao wako hai alipozungumza na Radio Miraya.

(Sauti ya George)

“Tumepata taarifa ya kwamba wafanyakazi hao wako hai lakini sasa tunajitahidi ili tuweze kuzungumza nao moja kwa moja na pia tunajitahidi ili waweze kuachiliwa huru haraka na salama.”

Waasi wa SPLM-North wamekuwa wakipigana dhidi ya serikali ya Sudan tangu mwaka 2011.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud