Nchi 13 kutuzwa kwa juhudi za kukabiliana na njaa

26 Novemba 2014

Nchi kumi na tatu zitapokea tuzo la Shirika la Chakula na Kilimom, FAO, kufuatia hatua zilizopiga katika kukabiliana na njaa.

Brazil, Cameroon, Ethiopia, Gabon, The Gambia, Iran, Kiribati, Malaysia, Mauritania, Mauritius, Mexico, Ufilipino na Uruguay ndizo nchi ambazo zimetambuliwa na FAO kwa juhudi za kukabiliana na tatizo la lishe duni. Pamoja na kufikia lengo la maendeleo ya milenia la kupunguza kwa nusu idadi ya watu wenye njaa ifikapo mwaka 2015, nchi hizo pia zimetimiza lengo la mkutano wa kimataifa kuhusu chakula wa mwaka 1996, la kupunguza watu wenye njaa iliyokithiri kwa nusu ifikapo mwaka 2015.

Mkurugenzi Mkuu wa FAO, José Graziano da Silva, atatambua juhudi za nchi hizo kwa kuwakabidhi wawakilishi wao tunu za diploma kwenye hafla iliyopangwa kufanyika kwenye makao makuu ya FAO mjini Roma, Italia, mnamo Novemba 30, 2014.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud