Misitu ni muhimu kwa uchumi na maendeleo:FAO

24 Septemba 2012

Katibu mkuu wa shirika la kilimo na mazao la Umoja wa Mataifa FAO Jose Graziano da Silva amesistiza umuhimu wa misitu kwenye maendelo endelevu. Akifungua mkutano wa siku tano wa kamati ya misitu ya FAO, da Silva amesema kuwa uhusinao kati ya misitu na maendeleo endelevu ni kati ya masuala yaliyojadiliwa kwenye mkutano wa RIO+20 mwezi Juni. Amesema kuwa misitu inayochukua asilimia 31 ya dunia ina wajibu mkubwa kwenye uchumi wa kitaifa na kimataifa na kwenye mikakati ya FAO ya kupunguza njaa, utapiamlo na umaskini.

Karibu watu milioni 350 kati ya wale maskini zaidi duniani wakiwemo watu milioni 60 wa asili wanategemea misitu kwenye mahitaji yao ya kila siku lakini hata hivyo kwenye mataifa mengi uharibifu wa misitu unachangia kuwepo athari zikiwemo mmomonyoko wa udongo kila mwaka.

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter