UM waanza kusukuma mbele agenda ya ustawi wa kijamii

15 Februari 2011

Umoja wa Mataifa umetangaza kuwa umeanza kuweka mipango ya awali ambayo itahakikisha ustawi wa kijamii unakuwa salama kwa kuwekea vipaumbele maeneo ya usalama wa chakula, huduma za afya na malipo ya pension.

Maafisa wa Umoja huo wamesisitiza kuwa vipengele hivyo hajipewa uzito kwa muda mrefu kutokana na kukosekana kwa utashi wa kisiasa ili kuvipa msukumo unaostahili.

 

Umoja huo wa mataifa umesema kwamba ustawi wa kijamii ni tunda linalohusika moja kwa moja na haki za binadamu hivyo hakuna njia nyingine wakati huu mbali ya kuanza kulipa kipaumbele.

 

Katika hatua nyingine maafisa wa shirika la kazi la Umoja wa Mataifa ILO wameonya kuwa bila kuwepo kwa misingi dhabiti ya uwekezaji kwenye maeneo ya afya na lishe

ndoto ya ukuzaji uchumi kamwe haiwezi kutokea.

 

Michael Cichon wa ILO, amesema kuwa idadi kubwa ya watu wameendelea kuishi maisha ya kubahatisha huku wakikosa  ubora wa huduma za kijamii

 

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter