UN yakumbuka wafanyakazi wake waliofariki dunia kwenye ajali ya ndege Ethiopia

UN /Manuel Elias

Katibu Mkuu wa UN Antonio Guterres leo 15 Machi 2019 akihutubia wafanyakazi jijini New York, Marekani kwenye tukio la kukumbuka wafanyakazi wa UN waliofariki dunia kwenye ajali ya ndege ya Ethiopia.

UN yakumbuka wafanyakazi wake waliofariki dunia kwenye ajali ya ndege Ethiopia

15 Machi 2019 Masuala ya UM

Hii leo kwenye makao makuu ya Umoja wa Mataifa kumefanyika tukio maalum la kukumbuka wafanyakazi 21 wa umoja huo waliofariki dunia kwenye ajali ya ndege ya shirika la ndege la Ethiopia, iliyotokea huko Addis Ababa Ethiopia Jumapili iliyopita.

Tukio hilo limeongezwa na Katibu Mkuu António Guterres ambapo ameweka shada la maua kwenye dirisha maalum la kumbukizi ndani ya jengo la makao makuu ya Umoja huo.

Akizungumza, Katibu Mkuu amesema, “wafanyakazi wenzetu walikuwa ni kundi lililojumuisha watu kutoka pande mbalimbali. Walikuwa wanatoka kwenye mashirika, wengi wakiwa na utaalamu wa hali ya juu kutoka ngazi mbalimbali za vyeo, na majukumu mbalimbali ndani ya Umoja wa Mataifa, wakitoka pande mbalimbali za dunia. Na bado, pamoja, wao pia walikuwa ndio taswira ya Umoja wa Mataifa: Hakika waliwakilisha kile ambacho Umoja wa Mataifa ni nini? Na Umoja wa Mataifa bora.”

UN /Manuel Elias

Wafanyakazi wa Umoja wa Mataifa waliouawa kwenye ajali ya ndege ya shirika la ndege la Ethiopia huko Addis Ababa, wamekumbukwa leo 15 Machi 2019 kwenye makao makuu ya UN.

Ndege hiyo ya Ethiopia namba ET 302 ilianguka Jumapili na kuua watu wote 157 waliokuwemo.

Kwa mujibu wa wa takwimu zilizotolewa na shirika hilo, raia wenye utaifa kutoka nchi 35 walikuwemo kwenye ndege hiyo aina ya Being 737 iliyokuwa inaelekea mji mkuu wa Kenya, Nairobi.

Wafanyakazi hao ni Joanna Toole, Anne Feigl, Maygenet Worku Abebe Marcelino Tayob, Shikha Garg, Victor Shing Ngai Tsang, Nadia Adam Abaker Ali, Jessica Hyba , Jackson Musoni, Susan Mohamed Abufarag , Graziella De , Esmat Adelsattar Taha , Oliver Vick, Max Thabiso Edkins, Ekta Adhikari, Maria Pilar Buzzetti, Virginia Chimenti, Harina Hafitz, Zhen-Zhen Huang, Michael Eoghan Ryan, na Djordje Vdovic.

♦ Kurambaza ukurasa mahsusi wa Siku ya Kiswahili Duniani bofya hapa.

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili hapa.

♦ Pia unaweza kupakua apu ili kusikiliza matangazo yetu wakati wowote popote ulipo.

♦ Tembelea pia chaneli yetu ya Youtube na pia Soundcloud na Twitter

News Tracker: Past Stories on This Issue

Kufuatia ajali ya ndege Ethiopia Umoja wa Mataifa na mashirika yake yatapeperusha bendera, nusu mlingoti kwa ajili ya mshikamano na waliopoteza maisha kwenye ajali ya ndege.

Umoja wa Mataifa waomboleza, bendera zapepea nusu mlingoti

11 Machi 2019

Masuala ya UM

Kufuatia ajali ya ndege ya shirika la ndege la Ethiopia iliyoanguka mapema jana dakika sita tu baada ya kupaa kutoka uwanja wa kimataifa wa Bole mjini Addis Ababa na kuwaua abiria wote, wakiwemo wafanyakazi wa Umoja wa Mataifa, salamu za rambirambi zimeendelea kumiminika kutoka ofisi mbali mbali za Umoja huo.

Joyce Msuya, Kaimu Mkurugezi wa UNEP akiwa katika halfa ya kuwaenzi wafanya kazi wa UN waliopoteza maisha katika ajali ya ndege

Msiba huu umetuathiri sana, marehemu ni marafiki na wafanyakazi wenzetu - Joyce Msuya

14 Machi 2019

Masuala ya UM

Wakati maombolezo ya vifo vya wafanyakazi 21 wa Umoja wa Mataifa yakiendelea katika ofisi mbalimbali duniani kote, shirika la Umoja wa Mataifa la mpango wa mazingira UNEP, mjini Nairobi Kenya ni miongoni mwa mashirika ya Umoja wa Mataifa yaliyopata pigo la ajali hiyo.