Utipwatipwa unazidi kuongezeka katika vijana Ulaya – Ropiti ya WHO

17 Mei 2017

Ripoti mpya ya Shirika la Afya Ulimwenguni (WHO) iliyozinduliwa leo kuhusu utipwatipwa nchini Ureno, imeonyesha kuwa idadi ya barubaru wenye utipwatipwa inazidi kuongezeka katika nchi nyingi katika ukanda wa WHO Ulaya.

Mkurugenzi wa WHO ukanda wa Ulaya, Dk. Zsuzsanna Jakab, amesema licha ya juhudi za kina za kupambana na utipwatipwa miongoni mwa watoto, mmoja kati ya kila barubaru watatu anakadiriwa kuwa na utipwatipwa barani Ulaya, viwango vikiwa juu zaidi kusini mwa Ulaya na nchi za eneo la Mediterania.

Amesema kinachotia wasiwasi hasa ni kwamba janga hilo linazidi kuongezeka katika nchi za mashariki mwa Ulaya, ambako viwango vilikuwa chini kwa miaka mingi.

Afisa huyo mwandamizi wa WHO amesema hatua kabambe za kisera zinapaswa kuchukuliwa ili kutimiza lengo la maendeleo endelevu la kusitisha ongezeko la utipwatipwa miongoni mwa watoto.

Utipwatipwa wa utotoni unachukuliwa kama mojawapo ya changamoto kubwa zaidi za afya ya umma ulimwenguni katika karne ya 21.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter