Vita vya Sudan Kusini vinatia aibu

24 Oktoba 2016

Mwanariadha mkimbizi kutoka Sudan Kusini Kenyi Santino aliyewakilisha timu ya wakimbizi watano kutoka Sudan Kusini kwenye Olimpiki nchini Brazil, ametoa wito kwa taifa lake kuweka silaha zao chini, ili watoto wa Sudan Kusini nao wapate fursa ya kuwa wanamichezo nyota.

Kenyi Santino ametoa wito huo leo wakati wa maadhimisho ya Siku ya Umoja wa Mataifa, akisema wakati aliposhiriki michezo ya Olimpiki hakuna aliyejali kabila lake, na kilichokua muhimu kwake ilikuwa ni kubeba bendera ya nchi yake kwa mara ya kwanza katika michezo hiyo.

Amesema kinachowaleta pamoja watu wa Sudan Kusini ni kikubwa zaidi ya kile kinachowatenganisha, na ni aibu kuona nchi yake iliyopigania uhuru kwa zaidi ya miaka 30 bado iko vitani, akisema nchi yake ingekuwa haina vita basi...

(Sauti ya Kenyi)

"Ningefurahia ushabiki mkubwa kama ule walioupata wanamichezo wenzangu kutoka maeneo mengine duniani, labda hata ningeshinda medali kwa nchi yangu. Nataka kuamini kwamba hakutakua tena na vita nchini humu, kwani mahitaji ya vijana hayataweza kutekelezwa mpaka bunduki zitakapokua kimya."

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter