Saa 48 zashuhudia kuokolewa zaidi ya watu 7,000 huko Mediteranea

30 Agosti 2016

Zaidi ya watu elfu saba waliokolewa kutoka bahari ya Mediteranea juzi jumapili na jana jumatatu karibu na pwani ya Libya.

Shirika la kimataifa la uhamiaji, IOM limesema idadi kubwa ya watu hao walikuwa wakisafiri kwa boti zisizo salama ikiwemo zile za kujazwa upepo, za mbao na nyingine za uvuvi.

Joel Millman ni msemaji wa IOM.

 “Tuna taarifa za watu wawili kupoteza maisha jana, tumeona picha. Watu wengi walikuwa na majaketi ya uokozi jambo ambalo ni jema. Lakini idadi inaweza kuwa kubwa, lakini hadi sasa tuna ripoti za vifo viwili.”

Kwa mujibu wa IOM zaidi ya watu Laki Moja wameokolewa kutoka karibu na pwani ya Libya mwaka huu pekee.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud