Umoja wa Mataifa wataka adhabu ya kifo kwa raia Misri ifutwe

31 Machi 2014

Kundi la wataalamu wa Umoja wa Mataifa leo limepaza sauti kwa mamlaka nchini Misri likitaka kutenguliwa kwa adhabu ya kifo kwa watu 529 iliyotangazwa wiki iliyopita nchini humo. Joseph Msami na maelezo kamili.

(TAARIFA YA MSAMI)

Kundi hilo la wataalamu limeitaka Misri kutoa kwa watuhumiwa mashtka mapya na ya haki ili kuhakikisha sheria za kimataifa za haki za binadamu zinalindwa.

Wataalmu hao pia wameelezea kusikitishwa kwao kutokana na makosa mblaimbali yaliyofanyika wakati wa mchakato wa kesi hiyo kama vile ukosefu wa wanasheria, watuhumiwa kutokuwepo wakati wa hukumu, pamoja na adhabu ya kifo kwa kundi kubwa la watu.

Wamesema kuwa kuendeshwa kwa kesi katika mazingira hayo kumevunja mkataba wa kimataifa kuhusu haki za raia na kisiasa ambazo Misri iliridhia.

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter