Matumizi ya nyuklia yaongezeka duniani:IAEA

7 Machi 2011

Nchi nyingi duniani hivi sasa zinageukia nyuklia kama chanzo cha nishati amesema mkuu wa shirika la kimataifa la nguvu za atomic IAEA.

Akiwasilisha ripoti yake kwenye bodi ya magavana mjini Vienna mkurugenzi mkuu wa IAEA Yukiya Amano amesema fursa ya nguvu za nyuklia kwa nchi zinazoendelea isibanwe. Iwezeshwe kupatikana kwa nchi zinazoendelea ili iwasaidie kukidhi mahitaji yao yanayoongezeka ya nishati. Bwana Amano amesema mwaka 2010 ulikuwa wa matumaini kwa upanuzi wa wigo wa nishati ya nyuklia.

Amesema kulikuwa na vinu 66 vilivyokuwa vikijengwa duniani kote na hiyo ni ishara kwamba nguvu za nyuklia zinakuwa na kuendelea kukubalika kimataifa kama chanzo cha nishati salama na kwamba ikitumika vyema itasaidia kupunguza athari za mabadiliko ya hali ya hewa. Na amesema pia itapunguza kwa kiasi kikubwa matatizo ya nishati katika miaka ijayo.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter