Mtaalamu wa UM kuhusu haki za wahamiaji kufanya ziara nchini Afrika Kusini

21 Januari 2011

Mjumbe maalum wa Umoja wa Mataifa anayehusika na masuala ya haki za wahamiaji Jorge A. Bustamante anatarajiwa kufanya ziara nchini Afrika Kusini ikiwa ndiyo ziara ya kwanza kabisa kama hiyo inayofanywa na baraza la haki za binadamu la Umoja wa Mataifa kuchunguza na kutoa ripoti kuhusu haki za wahamiaji nchini humo.

Wakati wa ziara yake mjumbe huyo ataangazia masuala kadha yakiwemo uhamiaji wa mara kwa mara , watafuta hifadhi , huduma za afya kwa wahamiaji pamoja na elimu kwa watoto wa wahamaiji.

Kwenye ziara yake ambayo itang'oa nanga tarehe 24 mwezi huu na kukamilika tarehe mosi mwezi ujao wa Februari Mjumbe huyo ataitembelea miji Pretoria , Johannesburg, Polokwane, Musina na Cape Town ambapo atakutana na waakilishji wa serikali , mahakama pamoja na waakilishi wa mashirika ya umma wanaofanya kazi inayohusiana na haki za wahamiaji.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter