Mipango miji salama kwa wanawake yazinduliwa Delhi

23 Novemba 2010

Shirika la Umoja wa Mataifa la maendeleo ya akina mama limezindua mpango wa kimataifa wa kuifanya miji kuwa salama kwa wanawake mjini New Delhi nchini India wakati wa kuanza kwa mkutano wa kimataifa kuhusu usalama wa wanawake.

Kwa sasa watu bilioni 3.4 wanaishi kwenye maeneo ya miji kote duniani. Visa vya uhalifu katika maeneo haya ni vingi lakini mipango ya maendeleo ya miji mara nyingi inasahau hatari inatowakabili wanawake.

Mpango huo utaangazia zaidi maeneo ya mabanda na miongoni mwa wakaazi maskini wa mijini kwenye miji ya Quito nchini Ecuador , Cairo nchini Misri, New Delhi nchini India , Port Moresby nchini Papua New Guinea na Kigali nchini Rwanda. Kila mji utachangia katika kutafuta njia za kumaliza dhuluma dhidi ya wanawake ambazo zitatumiwa na miji mingine kote duniani.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter