Sudan Kusini sasa ukatili wa kingono basi! Tumeaibika- Waziri Juuk

UN Photo/Isaac Billy

Baadhi ya wanawake waathirika wa unyanyasaji wa kingono Sudan kusini wakizungumza na viongozi wa Umoja wa Mataifa

Sudan Kusini sasa ukatili wa kingono basi! Tumeaibika- Waziri Juuk

15 Machi 2019 Haki za binadamu

Nchini Sudan Kusini, jeshi limezindua mpango wa utekeleza wa kutokomeza kabisa ukatili wa kingono unaofanywa na askari wa jeshi hilo dhidi ya raia kwenye maeneo yenye mizozo ambapo maafisa wa ngazi ya juu wameahidi kutokomeza vitendo hivyo vilivyoshamiri tangu vita vya wenyewe kwa wenyewe vianze nchini humo mwezi Disemba mwaka 2013.

Wakati wa uzinduzi wa nyaraka hiyo iliyoandaliwa kwa zaidi ya miezi miwili, maafisa wa ngazi ya juu wa jeshi la Sudan Kusini wameapa kutofumbia macho ukatili wa kingono.

Kila kamanda wa ngazi ya juu atakuwa na nakala yake kwa ajili ya kufundishia askari walio chini yake kuhusu uhalifu wa kingono kwenye mizozo ambapo Waziri wa Ulinzi wa Sudan Kusini Kul Manyang Juuk ameelezea masikitiko yake jinsi taifa hilo limeorodheshwa kimataifa kuwa mtekelezaji wa ukatili wa kingono dhidi ya raia wake.

“Hii ni hali mbaya sana na ndio maana tuko kwenye vikwazo vya Baraza la Usalama la Umoja wa Mataifa na nchi moja moja. Sasa tufanye nini? Njia bora zaidi ni sisi wenyewe tujiwekee vikwazo na pindi jeshi linawekewa vikwazo, nchi inakuwa imechukua hatua. Hatuwezi kupata hata mkopo wa kuendeleza nchi yetu.Na hii ina maana hatuwezi kutekeleza sera zetu.”

Ujumbe wa umoja wa Mataifa nchini Sudan Kusini, UNMISS ambao umekuwa ukishirikiana na makamanda hao wa jeshi la Sudan Kusini kuandaa nyaraka hiyo, una matumaini kuona nchi hiyo ikiondolewa kwenye orodha ya watekelezaji wa ukatili wa kingono. Alain Noudéhou ni Naibu Mwakilishi wa Umoja wa Mataifa nchini humo.

“Mpango huu wa utekelezaji unapatia msisitizo ahadi ya serikali kwenye vipengele vya katiba na wajibu wake kimataifa ikiwemo haki ya uhuru na usalama na haki ya mtu kutoteswa au kufanyiwa vitendo vyovyote visivyo vya kibinadamu au kupewa adhabu zisizo za kiutu.”

Nyaraka hii ya utekelezaji dhidi ya ukatili wa kingono ni mafanikio ya taarifa ya pamoja iliyotolewa mwaka 2014 na Rais Salva Kiir na Umoja wa Mataifa katika kushughulikia ukatili wa kingono kwenye maeneo ya mizozo nchini humo.

♦ Kurambaza ukurasa mahsusi wa Siku ya Kiswahili Duniani bofya hapa.

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili hapa.

♦ Pia unaweza kupakua apu ili kusikiliza matangazo yetu wakati wowote popote ulipo.

♦ Tembelea pia chaneli yetu ya Youtube na pia Soundcloud na Twitter

News Tracker: Past Stories on This Issue

Kituo cha Umoja wa Mataifa cha kulinda Raia, Wau, Sudan Kusini.

Mahakama ya kuhamahama yapeleka haki Malakal, Sudan Kusini.

28 Februari 2019

Sheria na Kuzuia Uhalifu

Kwa zaidi ya kipindi cha siku tatu, mahakama ya kuhamahama inayofadhiliwa na ujumbe wa Umoja wa Mataifa nchini Sudan Kusini, UNMISS, imekuwa katika mji wa Malakal jimbo la Upper Nile nchini Sudan Kusini ili kushughulikia kesi kadhaa zikiwahusisha watu ambao walitenda makossa makubwa yakiwemo kesi mbili za unyanyasaji wa kingono na moja ya unyanganyi kwa kutumia silaha.

Asilimia 87 ya wanawake na wasichana walibakwa na zaidi ya mtu mmoja kwa saa nyingi nchini Sudan Kusini

Wanawake ikiwemo wajawazito ni walengwa wa ukatili wa kingono Sudan Kusini-Ripoti

15 Februari 2019

Haki za binadamu

Ripoti ya Umoja wa Mataifa iliyotolewa leo inaonyesha ongezeko la ukatili wa kingono katika jimbo la Unity kaskazini mwa Sudan Kusini, ikisema wanawake 134 na wasichana wamebakwa na wengine 41 wamekumbwa na aina nyingine za ukatili wa kingono kati ya Septemba na Disemba 2018.