Ban amtaka rais wa Syria kukomesha mabavu dhidi ya waandamaji

8 Agosti 2011

Katibu Mkuu wa Umoja wa Mataifa Ban Ki-moon amemtaka rais wa Syria kukomesha vitendo vya dhuluma dhidi ya waandamanaji wanaopinga utawala wake akisema kuwa mamlaka hiyo inapaswa kuachana na vitendo hivyo mara moja.

Katika mazungumzo yake kwa njia ya simu na rais Bashar al-Assad Ban amemwambia rais huyo kuwa anapaswa kuchukua jukumu la kukomesha matumizi ya nguvu dhidi ya raia. Aidha ameelezea masikitiko yake hasa wakati huu ambapo kumekuwa na ongezeko kubwa la kuwashambulia waandamanaji ambao humiminika bara barani wakiukosoa utawala wa kiongozi huyo. Zaidi ya watu 2,000 wanaarifiwa kufariki dunia katika kipindi cha siku chache zilizopita.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud